ചെമ്പേരി: മലയോര മേഖലകളിലെ പ്രധാന റോഡുകള് തകര്ന്ന് യാത്ര ദുഷ്കരമാകുന്നു. ടാറിംഗ് തകര്ന്ന് ഗതാഗത യോഗ്യമല്ലാതായ മലയോരത്തെ പ്രധാന റോഡുകളുടെ ശോച്യാവസ്ഥ പരിഹരിക്കാന് വൈകുന്നതില് നാട്ടുകാരുടെ പ്രതിഷേധം. ശക്തമാകുന്നു. മഴക്കാലത്തിനുമുമ്പ് സാധാരണ നടത്താറുണ്ടായിരുന്ന അറ്റക്കുറ്റപ്പണി കഴിഞ്ഞ വര്ഷം ചെയ്യാതിരുന്നതാണ്. റോഡുകള് ഇത്രയധികം തകരാനിടയാക്കിയത്. മലയോര ഹൈവേയുടെ ഭാഗമായി ചെമ്പേരി ടൗണിലൂടെ കടന്നുപോകുന്ന പാതയിലെ വേങ്കുന്നു മുതല് പയ്യാവൂര് വരെയുള്ള ഭാഗത്ത് മെക്കാഡം ടാറിംഗ് നടത്താന് ഭരണാനുമതി ലഭിച്ചിട്ടുണ്ടെന്ന കാരണം പറഞ്ഞാണ് കഴിഞ്ഞ വര്ഷം അറ്റകുറ്റ പണി നടത്താതിരുന്നത്. റോഡിലൂടെ ഇപ്പോള് കാല് നടയാത്രപോലും ദുരിതപൂര്ണ്ണമായിരിക്കുകയാണ്. ഇരുചക്ര-ചെറുകിട വാഹനങ്ങള് റോഡിലെ കുഴികളില് അപകടത്തില്പ്പെടുന്നതും പതിവായിട്ടുണ്ട്.
ഇതുകൂടാതെ മലയോരത്തെ ഒട്ടേറെ ഗ്രാമീണ റോഡുകളുടെ സ്ഥിതിയും മറിച്ചല്ല. ജനങ്ങളുടെ പ്രതിഷേധം ശക്തമാകുമ്പോള് ക്വാറിവേസ്റ്റും മറ്റുമിട്ട് കുഴിയടക്കുകയാണ് പതിവ്. അധികൃതരുടെ അവഗണന അവസാനിപ്പിച്ച് റോഡുകളുടെ അറ്റകുറ്റപ്പണികള് ഉടന് നടത്തണമെന്നാണ് നാട്ടുകാരുടെ അവശ്യം.
