കൊച്ചി: ജീവികളെയും ജീവിതത്തെയും ഏറ്റവുമധികം സ്നേഹിച്ച മനുഷ്യസ്നേഹിയായിരുന്നു ജസ്റ്റിസ് വി.ആര്. കൃഷ്ണയ്യരെന്ന് പ്രൊഫ. എം.കെ. സാനുമാസ്റ്റര് പറഞ്ഞു. 19-ാമത് കൊച്ചി അന്താരാഷ്ട്ര പുസ്തകോത്സവത്തിന്റെ നാലാംദിനത്തില് ജസ്റ്റിസ് വി.ആര്. കൃഷ്ണയ്യര് അനുസ്മരണ ചടങ്ങില് അഡ്വ. എന്.ഡി. പ്രേമചന്ദ്രന് അധ്യക്ഷതവഹിച്ചു.
ജഡ്ജിമാരുടെ നിയമനം സ്വയം നടത്താനുള്ള കോടതികളുടെ നീക്കം 120 കോടി ജനങ്ങളുടെ ആശയാഭിലാഷങ്ങള്ക്ക് എതിരാണെന്ന് അഡ്വ. കെ. രാംകുമാര് പറഞ്ഞു. കൊളീജിയം ഓഫ് ജുഡീഷ്യല് അപ്പോയ്മെന്റ് എന്ന വിഷയത്തില് പ്രഭാഷണം നടത്തുകയായിരുന്നു അദ്ദേഹം. അഡ്വ. പി.എല്. ബാബു, അഡ്വ. ആര്. പ്രശാന്ത് എന്നിവര് സംസാരിച്ചു. രാവിലെ 11ന് സാഹിത്യകാര സംഗമത്തില് പ്രൊഫ. ഗീതാലയം ഗീതാകൃഷ്ണന് അധ്യക്ഷത വഹിച്ച ചടങ്ങ് സിപ്പി പള്ളിപ്പുറം ഉദ്ഘാടനം ചെയ്തു. കെ.എല്. മോഹനവര്മ്മ മുഖ്യപ്രഭാഷണം നടത്തി. വെണ്ണല മോഹന്, ആനന്ദന് ചെറായി, സുനില് തീരഭൂമി, എം.കെ. ഹരികുമാര് എന്നിവര് സംസാരിച്ചു. ഉച്ചയ്ക്ക് 2ന് ഡിജിറ്റല് ആര്ക്കൈവിങ് സെമിനാറില് ശ്രീകണ്ഠകുമാര് പിള്ള, മനോജ് കരിങ്ങാമഠത്തില്, വിശ്വപ്രഭ, അര്ച്ചന എന്നിവര് പങ്കെടുത്തു.
തുടര്ന്ന് നടന്ന പുസ്തക പ്രകാശനത്തില് എസ്. ഗിരിജ എഴുതിയ ശ്രീപാര്വ്വതി, അയ്മനം രവീന്ദ്രന് രചിച്ച സാരസ്വതം എന്നീ പുസ്തകങ്ങള് പ്രകാശനം ചെയ്തു. കലൂര് ഉണ്ണികൃഷ്ണന്, കെ.കെ. സുധാകരന്, ടി. ജയചന്ദ്രന്, ഡോ. അമ്പലപ്പുഴ ഗോപകുമാര്, ഡോ. അഥീന നിരഞ്ജ്, ഡോ. ടി.എന്. വിശ്വംഭരന് എന്നിവര് സംസാരിച്ചു. വൈകിട്ട് 7ന് ഹരിയാന സംസ്ഥാന വകുപ്പിന്റെ ആഭിമുഖ്യത്തില് ഖുര്ഷിദ് ആന്റ് പാര്ട്ടി നാടോടിനൃത്തം അവതരിപ്പിച്ചു.
