യുണൈറ്റഡ് നേഷന്സ്: ഭാരതവും പാക്കിസ്ഥാനും തമ്മിലുള്ള പ്രശ്നങ്ങള് ചര്ച്ചകളിലൂടെ പരിഹരിക്കാവുന്നതാണെന്ന് യുഎന് സെക്രട്ടറി ജനറല് ബാന് കി മൂണ്. ഇരുരാജ്യങ്ങളും തമ്മിലുള്ള നയതന്ത്രബന്ധം മെച്ചപ്പെടുത്തിയെടുക്കുന്നത് ഒരു പരിധിവരെ ഭീകരവാദം ഇല്ലാതാക്കാന് സാധിക്കും. ഭാരതവും പാക്കിസ്ഥാനും തമ്മിലുള്ള പ്രശ്നങ്ങള് ചര്ച്ചചെയ്ത് പരിഹരിക്കണമെന്ന് ഇരു രാജ്യങ്ങള്ക്കും നിര്ദ്ദേശം നില്കിയിട്ടുണ്ട്.
ഭീകരപ്രവര്ത്തനം ഇന്ന് അന്താരാഷ്ട്ര സമാധാനത്തിന് വന്ഭീഷണിയാണ് ഉയര്ത്തുന്നത്. യുഎന് ജനറല് അസംബ്ലിയില് നടന്ന യോഗത്തില് പാക് പ്രധാനമന്ത്രി നവാസ് ഷെരീഫ് ഭീകര പ്രവര്ത്തനങ്ങള് നിയന്ത്രിക്കുന്നതിനു അന്താരാഷ്ട്ര തലത്തില് സമാധാനം നിലനിര്ത്തേണ്ടത് അത്യാവശ്യമാണെന്ന് ചൂണ്ടിക്കാട്ടിയിരുന്നു. അതിനിടെ രാജ്യത്തെ ഭീകരപ്രവര്ത്തനങ്ങള് ഇല്ലാതാക്കുന്നതിനായി ഒരു നടപടിയെങ്കിലും പാക്കിസ്ഥാന് സ്വികരിക്കേണ്ടതാണെന്ന് കേന്ദ്ര വിദേശകാര്യ മന്ത്രി സുഷമ സ്വരാജ് അറിയിച്ചു.
ഭീകര പ്രവര്ത്തനങ്ങള് ദിനംപ്രതി വളര്ന്നുകൊണ്ടിരിക്കുകയാണ്. ലെബനനിലും പാരീസിലുമുണ്ടായത് ഇതിന്റെ സൂചനകളാണ്. രാക്ഷാസമിതിയിലെ അംഗങ്ങള് ഇതിനെതിരെ ശക്തമായ നടപടികള് സ്വികരിക്കണമന്നും ബാന്കി മൂണ് കൂട്ടിച്ചേര്ത്തു.
