കോഴിക്കോട്: ലോകത്തിന് മുഴുവന് വഴികാട്ടിയായ പൈതൃകമാണ് ഭാരതത്തിന്റേതെന്ന് കൊളത്തൂര് അദ്വൈതാശ്രമം മഠാധിപതി സ്വാമി ചിദാനന്ദപുരി അഭിപ്രായപ്പെട്ടു.
ശ്രീവളയനാട് ഹിന്ദുസേവാ സമിതിയുടെയും ചാലപ്പുറം ആര്ഷപ്രഭ ധര്മ്മവിചാരവേദിയുടെയും സംയുക്താഭിമുഖ്യത്തില് ആഴ്ചവട്ടം ഹിന്ദുസേവാ സമിതി ഹാളില് ഉത്തിഷ്ഠത; ജാഗ്രത എന്ന വിഷയത്തില് പ്രഭാഷണം നടത്തുകയായിരുന്നു അദ്ദേഹം. ലോകത്തിനെ മുഴുവന് ശ്രേഷ്ഠമാക്കണമെന്നാണ് വേദങ്ങള് ഉപദേശിച്ചത്. സ്നേഹത്തിന്റെ സ്വാഭാവിക പ്രകടനമായ ചുംബനത്തെ സമരമുറയാക്കി മാറ്റുന്നത് നമ്മുടെ കുട്ടികളെ ചതിക്കുഴിയില്പെടുത്തി മാംസക്കച്ചവടത്തിന് ഇരയാക്കനാണെന്ന് തിരിച്ചറിയാന് ഉണര്ന്നിരിക്കുന്ന സമൂഹത്തിനെ കഴിയൂ. പഠിച്ച് നല്ല മനുഷ്യരായിത്തീരാനാണ് അമ്മമാര് തങ്ങളുടെ കുട്ടികളെ ഉപദേശിക്കേണ്ടതെന്ന് സ്വാമി തുടര്ന്നു പറഞ്ഞു.ധര്മ്മപ്രഭാഷണ പരമ്പരയില് ഇന്ന് വൈകുന്നേരം 6ന് ഐക്യമത്യം മഹാബലം എന്ന വിഷയത്തില്പ്രഭാഷണം തുടരും. ഡോ. സുശീലാരവീന്ദ്രനാഥ് സ്വാഗതം പറഞ്ഞു.
