വൈക്കം: അഷ്ടമി വിളക്ക് തെളിഞ്ഞു.ഇനി 12 നാളുകള് നഗരത്തിനും ഭക്തി തീവ്രതയുടെയും ആഘോഷത്തിന്റെയും നാളുകള്.കൊടിയേറ്റിനുശേഷമാണ് കൊടിമരചുവട്ടിലുള്ള വലിയ നിലവിളക്ക് തെളിക്കുന്നത്.ഉത്സവം സമാപിക്കുന്നത്വരെ ഈ വിളക്ക് രാപകല് കെടാതെ സൂക്ഷിക്കും.അഞ്ചര അടിയോളം ഉയരമുള്ള നിലവിളക്ക്് തെളിയിക്കുന്നതു കൊടിമരത്തിലുള്ള ദേവചൈതന്യത്തെക്കുറിക്കുന്നു.ദേവസ്വം ഡെപ്യൂട്ടി കമ്മീഷണര് ആര്.ജയശ്രീ അഷ്ടമി വിളക്ക്് തെളിച്ചു.നിലവിളക്കില് എണ്ണ ഒഴിക്കുന്നത്് ഭക്തര് വഴിപാടായാണ് നടത്തുന്നത്.
കാല്നാട്ട് കര്മ്മം നടത്തി
വൈക്കം: അഷ്ടമി ദിവസം ഉദയനാപുരത്തപ്പനും കൂട്ടുമ്മേല് ഭഗവതിക്കും വടക്കേനടയിലുള്ള കൊച്ചാലും ചുവട്ടില് നിര്മ്മിക്കുന്ന അഷ്ടമി വിളക്കു പന്തലിന് കൊടിയേറ്റ് മുഹൂര്ത്ത സമയത്ത് കാല്നാട്ട് കര്മ്മം നടത്തി. വൈക്കം മഹാദേവ ക്ഷേത്രത്തിലെ അഷ്ടമി ഉല്ത്സവത്തിന് കൊടിയേറി രാവിലെ 8.15 ന് തന്ത്രി മുഖ്യന്മാരായ നാരായണന് നമ്പുതിരിപ്പാട്,കിഴക്കിനിയേടത്ത് മേക്കാട് മനക്കല് നാരായണന് നമ്പൂതിരിപ്പാട് എന്നിവരുടെ മുഖ്യ കാര്മ്മികത്വത്തിലാണ് കൊടിയേറ്റ് ചടങ്ങ് നടത്തിയത്്്
കുടിവെള്ള വിതരണം ആരംഭിച്ചു
വൈക്കം: ക്ഷേത്രസംരക്ഷണ സമതിയുടെ ആഭിമുഖ്യത്തില് ക്ഷേത്രത്തില് എത്തുന്ന ഭക്തജനങ്ങള്ക്ക് നല്കുന്ന ചുക്കുവെള്ള വിതരണത്തിന്റെ ഉദ്ഘാടനം ചലചിത്ര താരം സുരേഷ് ഗോപി നിര്വ്വഹിച്ചു. കൊടിയേറ്റു ദിനം മുതല് അഷ്ടമി ഉല്ത്സവംവെരെ എത്തുന്ന ഭക്തര്ക്ക് ഇരുപത്തിനാല് മണിക്കൂറും ചുക്കുവെള്ളം വിതരണം നടത്തും. ചടങ്ങില് ക്ഷേത്രസംരക്ഷണ സമതി പ്രസിഡന്റ് അഡ്വ അരവിന്ദാക്ഷമേനോന്.സെക്രട്ടറി ഇല്ലിക്കല് രാധാകൃഷ്ണന് തുടങ്ങിയവര് ചടങ്ങിന് നേതൃത്വം നല്കി.
