കൊച്ചി: നവമാധ്യമങ്ങളില് സജീവമായ സൈബര് ക്വട്ടേഷന് സംഘങ്ങള് പുതിയ ഭീഷണിയാണെന്ന് സംസ്ഥാന പോലീസ് മേധാവി ടി.പി. സെന്കുമാര് പറഞ്ഞു. ലൈക്കുകളുടെ എണ്ണം നോക്കി ആശയങ്ങളുടെയും കൂട്ടായ്മകളുടെയും പിറകെ പോകുന്നവരുടെ എണ്ണം കൂടുകയാണ്. സ്റ്റുഡന്റ് പോലീസ് കേഡറ്റ് സംഘടിപ്പിച്ച നോളജ് ഹണ്ട് ഗ്രന്റ് ഫൈനല് മത്സരത്തിന്റെ സമാപനച്ചടങ്ങില് മുഖ്യപ്രഭാഷണം നടത്തുകയായിരുന്നു അദ്ദേഹം. നവമാധ്യമങ്ങളുടെ തള്ളിക്കയറ്റത്തില് പരിമിതികളും സാധ്യതകളും അപകടങ്ങളും യുവതലമുറ അറിഞ്ഞിരിക്കണം. ആധുനിക ലോകത്ത് കഴിവുകളും ചതികുഴികളും വിദ്യാര്ഥികള് അറിയണം. ഇതിനായി സ്റ്റുഡന്റ് പോലീസ് കേഡറ്റ് സംവിധാനം കൂടുതല് ശക്തിപ്പെടുത്തും. സ്റ്റുഡന്റ് പൊലീസ് കേഡറ്റ് ഉള്ള വിദ്യാലയങ്ങളില് മറ്റ് വിദ്യാലയങ്ങളിലെതിനേക്കാള് അച്ചടക്കവും പ്രശ്നങ്ങളുടെ കുറവും അനുഭവപ്പെടുന്നുണ്ടെന്നും അദ്ദേഹം ചൂണ്ടിക്കാട്ടി. സ്റ്റുഡന്റ് പോലീസ് കേഡറ്റ് സംവിധാനം എല്ലാ വിദ്യാലയങ്ങളിലേക്കും വ്യാപിപ്പിക്കുമെന്നും ആഭ്യന്തര മന്ത്രി രമേശ് ചെന്നിത്തല. എസ്പിസിക്ക് കൂടുതല് തുക നീക്കി വെക്കാന് സമ്മര്ദ്ദം ചെലുത്തുമെന്നും അദ്ദേഹം പറഞ്ഞു. സ്റ്റുഡന്റ പോലീസ് കേഡറ്റ് സംഘടിപ്പിച്ച നോളജ് ഹണ്ട് ഗ്രന്്റ് ഫൈനല് മത്സരത്തിന്റെ സമാപനച്ചടങ്ങിന്റെ ഉദ്ഘാടനവും സമ്മാനദാനവും നിര്വഹിച്ച് സംസാരിക്കുകയായിരുന്നു അദ്ദേഹം.
അച്ചടക്കമുള്ള ഒരു തലമുറയെ വാര്ത്തെടുക്കാനുള്ള ശ്രമത്തിന്റെ ഭാഗമാണ് സ്റ്റുഡന്റ് പോലീസ് കേഡറ്റ്. വിദ്യാര്ഥികള് അവസരങ്ങള് പ്രയോജനപ്പെടുത്തണം. സ്റ്റുഡന്റ് പൊലീസ് കേഡറ്റ് രാജ്യത്തിന് തന്നെ മാതൃകയാണെന്നും അദ്ദേഹം ചൂണ്ടിക്കാട്ടി.സ്റ്റുഡന്റ് പൊലീസ് കേഡറ്റ് ഇയര് ബുക്കിന്റെ പ്രകാശനവും മികച്ച വിജയം നേടിയ സ്കൂളുകള്ക്കും കേഡറ്റ്കള്ക്കും പരിശീലകര്ക്കുമുള്ള സമ്മാനദാനവും ചെന്നിത്തല നിര്വഹിച്ചു.
