കൊട്ടാരക്കര: കൊട്ടാരക്കര മഹാഗണപതിക്ഷേത്രത്തില് അന്നദാനത്തിന് വന്ഭക്തജനതിരക്ക്. മണ്ഡലകാലത്ത് ക്ഷേത്രത്തില് നടന്നുവരുന്ന കഞ്ഞിസദ്യക്ക് ഇത്തവണ വന്തിരക്കാണ് അനുഭവപ്പെടുന്നത്. എല്ലാ ദിവസവും ഉച്ചക്ക് 12മുതലാണ് അയ്യപ്പന്മാര്ക്കും ഭക്തജനങ്ങള്ക്കുമായി കഞ്ഞിസദ്യ നടക്കുന്നത്. അയ്യപ്പന്മാര്ക്ക് മാത്രമായി വൈകിട്ട് 7 മുതലും കഞ്ഞിവിതരണമുണ്ട്. പ്രധാന ഇടത്താവളങ്ങളിലൊന്നായ ഇവിടെ വിരിവെക്കുന്ന അയ്യപ്പന്മാരുടെ എണ്ണത്തിലുണ്ടായ വര്ധനയാണ് വൈകിട്ടും കഞ്ഞിവിതരണത്തിന് ഉപദേശകസമിതിയെ പ്രേരിപ്പിച്ചത്. വിരിവെക്കുന്ന അയ്യപ്പന്മാര്ക്കായി പായ ഉള്പ്പെടെയുള്ള സൗകര്യങ്ങളും ഒരുക്കിയിട്ടുണ്ട്. ശബരിമല യാത്രയ്ക്ക് മുന്പും പിന്പും ഇവിടെയെത്തി ഉണ്ണിയപ്പം വാര്പ്പിക്കുന്ന അയ്യപ്പന്മാരുടെ എണ്ണം ഇത്തവണ കൂടുതലാണ്. കഞ്ഞി സദ്യയുടെ ഉദ്ഘാടനം ക്ഷേത്രമേല്ശാന്തി പുതുമന മനുനമ്പൂതിരി നിലവിളക്ക് കൊളുത്തി നിര്വഹിച്ചു. ക്ഷേത്രോപദേശകസമിതി പ്രസിഡന്റ് ആര്. ദിവാകരന്, പുഷ്പകുമാര് എന്നിവര് സംബന്ധിച്ചു.
മഹാഗണപതിക്ഷേത്രത്തില് വന്ഭക്തജനത്തിരക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.