അമ്പലപ്പുഴ: അമ്പലപ്പുഴ സ്റ്റേറ്റുബാങ്കില് ബാങ്കില് സമീപം വീടുകുത്തിത്തുറന്ന് പത്തുപവന് സ്വര്ണ്ണം അപഹരിച്ചു. അമ്പലപ്പുഴ കച്ചേരിമുക്കിനുകിഴക്ക് സ്റ്റേറ്റുബാങ്കിനു സമീപം ഗംഗോത്രിയില് ഗംഗാധരന് നായരുടെ വീട്ടിലാണ് മോഷണം നടന്നത്. തിരുവനന്തപുരത്ത് പ്ലാനിങ് ബോര്ഡ് ഡയറക്ടറായ മകളുടെ വീട്ടില് ഗംഗാധരന് നായരും കുടുംബവും പോയതിനാല് വീട്ടില് ആരുമുണ്ടായിരുന്നില്ല.
എന്നാല് രാവിലെ വീടും ഗേറ്റും തുറന്നുകിടക്കുന്നതു കണ്ട സമീപവാസികള് ബന്ധുക്കളെ വിവരമറിയിക്കുകയായിരുന്നു. ഇതേത്തുടര്ന്ന് ബന്ധുക്കള് വന്ന് വീട്ടിനകത്തുകയറി നോക്കുമ്പോള് വീട്ടിനുള്ളിലെ അലമാരകള് എല്ലാം കുത്തിത്തുറന്ന നിലയിലും വീടിന്റെ വാതില് തകര്ത്ത നിലയിലും കണ്ടെത്തുകയായിരുന്നു.
ഗംഗാധരന്നായരെയും അമ്പലപ്പുഴ പോലീസിനെയും വിവരം അറിയിക്കുകയും ഇവര് എത്തി നടത്തിയ തിരച്ചിലിലാണ് പത്തുപവന് സ്വര്ണ്ണം നഷ്ടപ്പെട്ട വിവരം അറിഞ്ഞത്. കഴിഞ്ഞ ഏതാനുംദിവസം മുമ്പ് പായല്കുളങ്ങര, ഇരട്ടക്കുളങ്ങര ഭാഗങ്ങളിലും ആളില്ലാത്ത വീടുകളില് മോഷണം നടന്നിരുന്നു. എന്നാല് പ്രതികളെ കണ്ടെത്താന് പോലീസിനു കഴിഞ്ഞില്ല.
