ടൊറന്റോ: കാനഡ പ്രതിരോധമന്ത്രിയും ഇന്ത്യന് വംശജനുമായ സിഖു വംശജന് ഹര്ജിത് സജ്ജന് നേരെ വംശീയാധിക്ഷേപം. കനേഡിയന് സൈന്യത്തിലെ ഒരു സൈനികനാണ് സോഷ്യല് മീഡിയയിലൂടെ മന്ത്രിയെ വംശീയമായി അധിക്ഷേപിച്ചത്. സംഭവം വിവാദമായതോടെ കാനഡ സൈന്യം അന്വേഷണം തുടങ്ങി. അതേസമയം സോഷ്യല് മീഡിയയില് പോസ്റ്റിട്ട സൈനികന്റെ വിവരമോ, എന്താണ് കുറിച്ചതെന്നോ വ്യക്തമാക്കാന് സൈനിക വൃത്തങ്ങള് തയ്യാറായിട്ടില്ല.
സംഭവത്തെത്തുടര്ന്ന് സൈനിക വൃത്തങ്ങള് ഔദ്യോഗിക വാര്ത്താക്കുറിപ്പ് പുറത്തിറക്കി. ഇന്ത്യന് വംശജനായ സജ്ജന്റെ സാമൂഹ്യ പശ്ചാത്തലം ലാക്കാക്കി ക്യൂബെക്കില് നിന്നുള്ള സൈനികന് മോശമായ പ്രസ്താവന തന്നെയാണ് നടത്തിയതെന്ന വിവരം മാത്രമാണ് വാര്ത്താ കുറിപ്പില് പുറത്തുവിട്ടത്.സേനയുടെ ഭാഗത്തുനിന്നുമുള്ള ഇത്തരം പരാമര്ശങ്ങള് അനുവദിക്കുന്നതല്ല. വംശീയ മനോഭാവം വച്ചുപുലര്ത്തുന്നത് സൈനികരുടെ സ്വഭാവത്തിനു ചേര്ന്നതല്ലെന്നും അതു സൈനികസേവനത്തെ തന്നെ പ്രതികൂലമായി ബാധിക്കുമെന്നും പ്രസ്താവനയിലുണ്ട്.
അതേസമയം, ഇത്തരം സംഭവങ്ങള് ഇനി ആവര്ത്തിക്കാന് ചീഫ് വാറന്റ് ഓഫിസര് സൈനികര്ക്ക് ഇ-മെയില് അയച്ചതായി കാനഡയിലെ പ്രമുഖ മാധ്യമം റിപ്പോര്ട്ട് ചെയ്തു. സേനയിലെ ഉയര്ന്ന പദവിയിലുള്ള വ്യക്തിയാണ് മന്ത്രിക്കെതിരെ മോശം പരാമര്ശം നടത്തിയതെന്നാണ് സൂചന.
സിഖ് വംശജനായ ഹര്ജിത് സജ്ജന് വന്കൂവെര് സൗത്തില് നിന്നാണു തിരഞ്ഞെടുക്കപ്പെട്ടത്. മുന്പൊലീസ് ഉദ്യോഗസ്ഥനും കനേഡിയന് സായുധസേനയിലെ ലെഫ്റ്റനന്റ് കേണലുമായിരുന്നു അദ്ദേഹം.കാനഡ സൈന്യത്തിനൊപ്പം അഫ്ഗാനിസ്ഥാനിലും ബോസ്നിയയിലും ഉള്പ്പെടെ മൂന്ന് വിദേശ ടൂറുകളില് സേവനം അനുഷ്ഠിച്ചിട്ടുണ്ട്. വാന്കൂവര് പോലീസ് വിഭാഗത്തില് ഡിറ്റക്ടീവായും ജോലി ചെയ്തിരുന്നു.
