കോഴിക്കോട്: അന്യസംസ്ഥാന തൊഴിലാളികള് പ്രതികളായ കേസുകള് പെരുകുമ്പോഴും ഇത്തരക്കാരെ നിരീക്ഷിക്കാന് സംവിധാനമില്ലാതെ പോലീസ്. കക്കോടി മുക്കിലെ അന്യസംസ്ഥാനക്കാരുടെ താമസസ്ഥലത്തു നിന്നും ബോഡോ ഭീകരന് പിടിയിലായതോടെ ജനങ്ങളും അന്യസംസ്ഥാന തൊഴിലാളികളെ അല്പം ഭീതിയോടെയാണ് നോക്കുന്നത്. അന്യസംസ്ഥാനക്കാരെകുറിച്ചുള്ള കൃത്യമായ കണക്കുപോലും പോലീസിന്റെ പക്കല് ഇല്ല എന്നതാണ് യാഥാര്ത്ഥ്യം.
ബോഡോ ഭീകരന് ദിന്ഗ പോലീസിന്റെ പിടിയിലായിട്ടും അന്യസംസ്ഥാനക്കാരെ നിരീക്ഷിക്കാന് കാര്യമായ നടപടികളൊന്നും പോലീസിന്റെ ഭാഗത്തുനിന്നും ഉണ്ടായിട്ടില്ല. നാഷണല് ഡെമോക്രാറ്റിക് ഫ്രണ്ട് ഓഫ് ബോഡോ ലാന്റ് ഓര്ഗനൈസിംഗ് സെക്രട്ടറിയും പതിനാറാം ബറ്റാലിയന് കമാന്ഡന്റുമായ ദിന്ഗ നിര്മ്മാണത്തൊഴിലാളിയുടെ രൂപത്തിലായിരുന്നു അന്യസംസ്ഥാനതൊഴിലാളികള്ക്കിടയില് ഒളിവില് കഴിഞ്ഞത്. തീവ്രവാദ സംഘടനകളില്പെട്ടവരും, പിടികിട്ടാപ്പുള്ളികളായ കുറ്റവാളികളും ഇതര സംസ്ഥാന തൊഴിലാളികള്ക്കിടയില് കടന്നുകൂടിയിട്ടുണ്ടോയെന്ന് നിരീക്ഷിക്കാന് തീരുമാനമുണ്ടായിരുന്നെങ്കിലും ഇതുവരെ ജില്ലയിലെ അന്യസംസ്ഥാനക്കാരുടെ കൃത്യമായ കണക്ക് പോലും ശേഖരിക്കാന് പോലീസിനു കഴിഞ്ഞിട്ടില്ല.
തൊഴിലാളി സംഘടനകളുടെ കണക്കു പ്രകാരം ജില്ലയില് ഒരു ലക്ഷത്തിനടുത്ത് അന്യസംസ്ഥാനക്കാര് ജോലി ചെയ്യുന്നുണ്ട്. എന്നാല് പോലീസിന്റെ കയ്യിലുള്ള അന്യസംസ്ഥാനക്കാരുടെ എണ്ണം വെറും എണ്ണായിരത്തോളം മാത്രമാണ്. 2014 മുതലുള്ള കണക്കാണ് ഇത്. സ്ഥാപന ഉടമകളുടെ നിസ്സഹകരണം മൂലമാണ് കണക്കെടുപ്പ് പാളാന് കാരണമെന്നാണ് പോലീസ് വിശദീകരണം. അന്യസംസ്ഥാന തൊഴിലാളികളുടെ തിരിച്ചറിയല് രേഖകളും, അവരെ സംബ ന്ധിച്ച വിവരങ്ങളും കൃത്യമാണെന്ന് ഇവരെ തൊഴിലാളികളായി വിതരണം ചെയ്യുന്ന ഏജന്റുമാര് ഉറപ്പുവരുത്തണമെന്ന് പോലീസ് നിര്ദ്ദേശമുണ്ട്. പോലീസ് ആവശ്യപ്പെടുന്നപക്ഷം തിരിച്ചറിയല് രേഖകളുടെ പകര്പ്പ് തൊഴിലാളികള് ഹാജരാക്കണമെന്നും നിര്ദ്ദേശം നല്കിയിട്ടുണ്ട്. എന്നാല് രേഖകള് എല്ലാം കൃത്യമാണോ എന്ന് ഉറപ്പുവരുത്താനുള്ള നടപടികളൊന്നും പോലീസ് ഇതുവരെ കൈക്കൊണ്ടിട്ടില്ല.
അടുത്തിടെ ജില്ലയില് നടന്ന പല കേസുകളിലെയും പ്രതികള് അന്യസംസ്ഥാനതൊഴിലാളികളായിരുന്നു. ഒറ്റ നോട്ടത്തില് തിരിച്ചറിയാനാവാത്തവിധം രൂപസാദൃശ്യമുള്ള ഇളയ സഹോദരന്റെ തിരിച്ചറിയല് രേഖകളുമായാണ് ദിന്ഗ കേരള ത്തിലേക്ക് കടന്നതെന്ന് അന്വേഷണത്തില് വ്യക്തമായിരുന്നു. സഹോദരന്റെ തിരിച്ചറിയല്കാര്ഡും പാന്കാര്ഡുമാണ് ദിന്ഗ താമസിച്ച കക്കോടി മുക്കിലെ വീട്ടില് നിന്നും അന്വേഷണ സംഘം കണ്ടെടുത്തത്. കരസേനയും തീവ്രവാദ വിരുദ്ധ സ്ക്വാഡും അന്വേഷിക്കുന്ന കൊടും കുറ്റവാളികളുടെ പട്ടികയി ലുള്പ്പെട്ടയാള് അന്യസംസ്ഥാന തൊഴിലാളികളിലൊരാളായി സാധാരണക്കാരന്റെ രൂപവും ഭാവവുമായി കോഴിക്കോട് കഴിഞ്ഞുകൂടിയത് പോലീസി നെയും ഇന്റലിജന്സിനെയും ഞെട്ടിച്ചിരുന്നു. ഇത്തരത്തില് പല കുറ്റവാളികളും അന്യസംസ്ഥാനക്കാ ര്ക്കിടയില് മറഞ്ഞിരിക്കുന്നുണ്ടെന്ന് വിവരമുണ്ടെങ്കിലും പോലീസ് ഇതിനെതിരെ ഫലപ്രദമായ പ്രവര്ത്തനങ്ങളൊന്നും ആരംഭിച്ചിട്ടില്ല. കേരളത്തിലെ അന്യസംസ്ഥാന തൊഴിലാളി കളുടെ എണ്ണം സംബന്ധിച്ച് കൃത്യമായ കണക്കുകളൊന്നും തന്നെ നിലവിലില്ലാത്ത സാഹചര്യത്തിലാണ് ഭീകരരും കുറ്റവാളികളും കേരളത്തെ ഒളിത്താവളമാക്കുന്നത്. തിരിച്ചറിയല് കാര്ഡ് ഉള്പ്പെടെയുള്ള തിരിച്ചറിയല് രേഖകളുടെ സാക്ഷ്യപ്പെടുത്തിയ പകര്പ്പ് പോലീസ് ആവശ്യപ്പെടുമ്പോള് ഹാജരാക്കണമെന്നാണ് നിയമമെങ്കിലും പലപ്പോഴും പരിശോധന പോലും നടക്കാറില്ല. ഇതും ഇത്തരത്തിലുള്ളവര്ക്ക് അനുകൂല സാഹചര്യമൊ രുക്കുകയാണ്.
