ലണ്ടന്‍ : രാജ്യത്തെ ഭീകരവാദം തടയാന്‍ ലക്ഷ്യം വെച്ച് ബ്രിട്ടീഷ് രഹസ്യാന്വേഷണ ഏജന്‍സി 1000 ചാരപ്രവര്‍ത്തകരെക്കൂടി നിയമിക്കുന്നു. ചാരപ്രവര്‍ത്തനങ്ങള്‍ക്കായി എം15, എം16 ആയുധങ്ങളും ബ്രിട്ടീഷ് ഗവണ്‍മെന്റ് കമ്യൂണിക്കേഷന്‍സ് ഹെഡ്ക്വാര്‍ട്ടേഴ്‌സിന്റെ സഹായവും പണവും നല്‍കുമെന്നും ചാന്‍സലര്‍ ജോര്‍ജ് ഒസ്‌ബോണ്‍ അറിയിച്ചു. യുദ്ധത്തിലും ഭീകരവാദ പ്രവര്‍ത്തനങ്ങളിലും മുമ്പത്തേതിനെ അപേക്ഷിച്ച് കുറവുണ്ടായിട്ടുണ്ട്. ഭീകരരുടെ ഭീഷണികള്‍ ദിനംപ്രതി വര്‍ധിച്ചു വരുന്ന സാഹചര്യത്തിലാണ് ചാരപ്രവര്‍ത്തകരെ നിയമിക്കുന്നത്.
ഇന്റര്‍നെറ്റിന്റെ സഹായത്താലുള്ള ഭീകരപ്രവര്‍ത്തനങ്ങള്‍ വര്‍ധിച്ചു വരികയാണ്. അതിനാല്‍ ഇതിനെതിരെയുള്ള നടപടിക്രമങ്ങളിലും മാറ്റം അനിവാര്യമാണ്. ഭീകര പ്രവര്‍ത്തനങ്ങളെക്കുറിച്ച് അന്വേഷണം നടത്തി വരുന്ന മൂന്ന് ബ്രിട്ടീഷ് രഹസ്യാന്വേഷണ ഏജന്‍സികളിലെ ഉദ്യോഗസ്ഥരുടെ എണ്ണവും വര്‍ധിപ്പിച്ചിട്ടുണ്ട്. കഴിഞ്ഞ അഞ്ചു വര്‍ഷത്തിനുള്ളില്‍ രാജ്യത്തിനകത്തും പുറത്തുമായി ഇന്റര്‍നെറ്റിന്റെ സഹായത്തോടെ ഭീകര പ്രവര്‍ത്തനങ്ങള്‍ ക്രമാതീതമായി വ്യാപിച്ചിട്ടുണ്ട്്. ഇതിനെ തുടര്‍ രാജ്യത്തെ ജനങ്ങളുടേയും സാമ്പത്തിക സുരക്ഷയും മുന്‍ നിര്‍ത്തിയാണ് ഈ നടപടി ചാരപ്രവര്‍ത്തകരെ നിയമിക്കാന്‍ ബ്രിട്ടീഷ് ഇന്റലിജെന്‍സ് ഏജന്‍സി തീരുമാനിച്ചതെന്നും ഒബ്‌സോണ്‍ കൂട്ടിച്ചേര്‍ത്തു.
