ആലുവ: ന്യൂനപക്ഷപ്രീണനനയമാണ് യുഡിഎഫും എല്ഡിഎഫും സ്വീകരിക്കുന്നതെന്ന് ബിജെപി ദേശീയ സെക്രട്ടറി എച്ച്. രാജ പറഞ്ഞു. ബിജെപി ആലുവ നഗരസഭാ സ്ഥാനാര്ത്ഥിസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ബിജെപിയെ പരാജയപ്പെടുത്താന് കോണ്ഗ്രസും സിപിഎമ്മും എസ്ഡിപി, ലീഗ്, പിഡിപി സഖ്യങ്ങള് പലയിടത്തും ഉണ്ടാക്കിയിട്ടുണ്ട്. പാവപ്പെട്ടവരുടെ ഉന്നമനത്തിനായി മോദിസര്ക്കാര് എണ്ണമറ്റ പദ്ധതികളാണ് നടപ്പിലാക്കുന്നത്. ഇതിന്റെ പ്രയോജനം ജനങ്ങളിലെത്താതിരിക്കാനുള്ള നീക്കം ഇരുമുന്നണികളും നടത്തുകയാണെന്നും അദ്ദേഹം പറഞ്ഞു. ബിജെപി മണ്ഡലം പ്രസിഡന്റ് എം.എന്. ഗോപി അധ്യക്ഷത വഹിച്ചു. മണ്ഡലം ജനറല് സെക്രട്ടറി സെന്തില്കുമാര്, ടൗണ് പ്രസിഡന്റ് എ.സി. സന്തോഷ്കുമാര്, ആര്. സതീഷ്കുമാര്, വിശ്വാസ് ജി. പ്രഭു എന്നിവര് പ്രസംഗിച്ചു.
ആലുവ: ബിജെപിയുടെ ജനപിന്തുണ വര്ദ്ധിച്ചുവരുന്നതില് വിറളി പൂണ്ട ഇടതു വലതു മുന്നണികള് സംസ്ഥാനത്ത് സൗഹൃദമത്സരമാണ് നടത്തുന്നതെന്ന് ബിജെപി ദേശീയ സെക്രട്ടറി എച്ച്. രാജ പറഞ്ഞു.
സംസ്ഥാനത്തെ പ്രധാനപ്രതിപക്ഷ പാര്ട്ടിയായി ബിജെപി മാറിയെന്നും അദ്ദേഹം പറഞ്ഞു. ആലുവ നഗരസഭ ബിജെപി സ്ഥാനാര്ത്ഥികളുടെ സംഗമം ഉദ്ഘാടനം ചെയ്യുകയായിരുന്നു അദ്ദേഹം. പരസ്യമായി മത്സരിക്കുകയും രഹസ്യമായി വോട്ട് മറിക്കുന്നതിനുമുള്ള ഒരുക്കങ്ങളാണ് സംസ്ഥാന വ്യാപകമായി നടക്കുന്നത്. ഇത് കേരളത്തിലെ പ്രബുദ്ധ ജനത തള്ളിക്കളയും. മോദി സര്ക്കാരിന്റെ ജനക്ഷേമ പ്രവര്ത്തനങ്ങളില് വിറളിപൂണ്ടവരാണ് ബീഫ് നിരോധനത്തിന്റെ പേരില് മതസ്പര്ദ വളര്ത്താന് ശ്രമിക്കുന്നത്.
നാടിന്റെ വികസനത്തെ കുറിച്ച് ഇടതുവലതു മുന്നണികള്ക്ക് സംസാരിക്കാന് താത്പര്യമില്ല. ബി.ജെ.പി ടൗണ് കമ്മിറ്റി പ്രസിഡന്റ് എ.സി. സന്തോഷ് കുമാര് അദ്ധ്യക്ഷത വഹിച്ചു. നിയോജക മണ്ഡലം പ്രസിഡന്റ്എം.എന്. ഗോപി, ജനറല് സെക്രട്ടറി എ. സെന്തില്കുമാര്, വിശാല് വി. പ്രഭു, ആര്. സനീഷ് കുമാര് എന്നിവര് സംസാരിച്ചു.
