കൊച്ചി: തദ്ദേശ തെരഞ്ഞെടുപ്പില് കൊച്ചി നഗരസഭയില് യുഡിഎഫിന് പത്ത് മുതല് പതിനഞ്ച് വരെ സിറ്റിംഗ് സീറ്റുകള് നഷ്ടപ്പെടുമെന്ന് കൊച്ചി മേയര് ടോണി ചമ്മണി. ഒരു ഇംഗ്ലീഷ് ദിനപ്പത്രത്തിന് നല്കിയ അഭിമുഖത്തിലാണ് മേയര് ടോണി ചമ്മിണി യുഡിഎഫിനെ വെട്ടിലാക്കുന്ന പരാമര്ശം നടത്തിയത്. യുഡിഎഫ് പ്രചാരണ സമിതി ചെയര്മാന് കൂടിയായ മേയര് നടത്തിയ പരാമര്ശം മുന്നണിക്കുള്ളില് പൊട്ടിത്തെറിക്ക് കാരണമായിട്ടുണ്ട്. 74 അംഗ കൗണ്സിലില് 48 അംഗങ്ങളാണ് നിലവില് യുഡിഎഫിനുള്ളത്. 50 മുതല് 55 സീറ്റുകള് വരെയാണ് യുഡിഎഫ് പ്രതീക്ഷിച്ചിരുന്നതെന്നും എന്നാല് നിലവിലെ സാഹചര്യത്തില് ഇതില് 15 സീറ്റ് വരെ നഷ്ട്ടപ്പെട്ടേക്കാമെന്നാണ് ടോണി ചമ്മിണി അഭിമുഖത്തില് തുറന്നടിച്ചത്.
ആര് ജയിച്ചാലും നിസാര സീറ്റുകളുടെ ഭൂരിപക്ഷം മാത്രമേ ഉണ്ടാകൂ. മോശം സ്ഥാനാര്ഥികളെ നിശ്ചയിച്ചതിനാലാണ് ഇത്ര കനത്ത തിരിച്ചടി യുഡിഎഫിന് ലഭിക്കുന്നത്. ജനപിന്തുണയുള്ള പല സ്ഥാനാര്ഥികളും റിബലുകളായി വന്നതും യുഡിഎഫിന് തിരിച്ചടിയാകും. ഭരണത്തിന്റെ തുടക്കത്തില് ഗ്രൂപ്പിസത്തിന്റെ അതിപ്രസരം ഉണ്ടായിരുന്നു. താന് മേയര് ആയ ശേഷം ആദ്യ മൂന്നര വര്ഷം പാര്ട്ടിയുടെ പിന്തുണ ലഭിച്ചില്ല. പിന്നീട് സംസ്ഥാന നേതൃത്വം പിന്തുണ നല്കിയത് ഐ ഗ്രൂപ്പിനെ ചൊടിപ്പിച്ചു. മുഖ്യമന്ത്രി ഉമ്മന്ചാണ്ടിയും മന്ത്രി കെ. ബാബുവും പിന്തുണ നല്കി.
എന്നാല് ലീഗുകാരനായ മന്ത്രി മഞ്ഞളാം കുഴി അലി പലപ്പോഴും നഗരസഭയ്ക്ക് തുരങ്കം വച്ചു. കെപിസിസി പ്രസിഡണ്ടായിരുന്ന രമേശ് ചെന്നിത്തലക്കെതിരെയാണ് പരോക്ഷമായി മേയര് ആരോപണം ഉന്നയിച്ചതെന്നാണ് ഐ ഗ്രൂപ്പിന്റെ കുറ്റപ്പെടുത്തല്. തെരഞ്ഞെടുപ്പായതിനാല് പരസ്യമായി വിഴുപ്പലക്കലിന് പോകേണ്ടെന്നാണ് ഐ ഗ്രൂപ്പ് ധാരണ.
അലിക്കെതിരെ പറഞ്ഞത് ലീഗ് നേതൃത്വത്തെയും ചൊടിപ്പിച്ചിട്ടുണ്ട്. തെരഞ്ഞെടുപ്പിന് മുന്പ് തോല്വി സമ്മതിച്ച മട്ടിലാണ് മേയര് ടോണി ചമ്മിണിയുടെ പരാമര്ശങ്ങളെന്നും സ്ഥാനാര്ഥികളെ ബാധിക്കുമെന്നതിനാല് പരസ്യ കലാപത്തിനില്ലെന്നും മേയറുടെ പരാമര്ശങ്ങള് യുഡിഎഫ് നേതൃത്വത്തിന്റെ ശ്രദ്ധയില്പ്പെടുത്തുമെന്നും ലീഗ് നേതാക്കള് പ്രതികരിച്ചു.
