ആലപ്പുഴ: അക്ഷയശ്രീ സുസ്ഥിര വികസന മിഷന്റെ സ്വയംസഹായ സംഘം ഭാരവാഹികള്ക്കായുള്ള ജില്ലാതല ശില്പ്പശാല ഇന്ന് ചക്കുളത്ത്കാവില് നടക്കും. രാവിലെ പത്തിന് ചക്കുളത്ത്കാവ് ക്ഷേത്രം കാര്യദര്ശി മണിക്കുട്ടന്നമ്പൂതിരി ദീപപ്രോജ്വലനം നടത്തും. ആര്എസ്എസ് സഹപ്രാന്ത കാര്യവാഹ് എം.രാധാകൃഷ്ണന് സമ്മേളനം ഉദ്ഘാടനം ചെയ്യും.
ജില്ലാ പ്രസിഡന്റ് കിടങ്ങറ ഡി.പ്രസന്നകുമാര് അദ്ധ്യക്ഷത വഹിക്കും. സഹകാര്ഭാരതി ദേശീയ സെക്രട്ടറി അഡ്വ.കെ.കരുണാകരന് മുഖ്യപ്രഭാഷണം നടത്തും. സംസ്ഥാന ജനറല് സെക്രട്ടറി എസ്.മോഹനചന്ദ്രന്, സംസ്ഥാന സംഘടനാ സെക്രട്ടറി കെ.ആര്.കണ്ണന്, ആര്എസ്എസ് വിഭാഗ് കാര്യവാഹ് എല്. പദ്മകുമാര്, ബിജെപി പ്രസിഡന്റ് വെള്ളിയാകുളം പരമേശ്വരന്, ബിഎംഎസ് ജില്ലാ പ്രസിഡന്റ് ബി.രാജശേഖരന്, എന്ജിഒ സംഘ് ജില്ലാ പ്രസിഡന്റ് ജെ.മഹാദേവന്, സഹകാര് ഭാരതി ജില്ലാ സെക്രട്ടറി പി. പ്രദീപ്, ജില്ലാ സംഘടനാ സെക്രട്ടറി കെ.ബിജു, കെ.ബാബു, ജില്ലാ ഉപാദ്ധ്യക്ഷന്മാരായ ആര്.അശോക്, പി. ടി. സന്തോഷ്കുമാര്, ഡി.സതീഷ്കുമാര്, തൃക്കുന്നപ്പുഴ വി.അശോക്കുമാര്, വി.പ്രവീണ് മാസ്റ്റര് എന്നിവര് സംസാരിക്കും.
അടുക്കളതോട്ടവും, ജൈവപച്ചക്കറി കൃഷിയും എന്ന വിഷയത്തില് ബാലഗോകുലം സംസ്ഥാന ഉപാദ്ധ്യക്ഷന് വി.ജെ.രാജ്മോഹന്, അക്ഷയശ്രീ പ്രവര്ത്തനവും വിവിധ സംരംഭങ്ങളും എന്ന വിഷയത്തില് അക്ഷയശ്രീ സംസ്ഥാന കോ-ഓഡിനേറ്റര് വി.ശ്രീകണ്ഠന്, പ്രധാനമന്ത്രിയുടെ സാമൂഹിക സുരക്ഷാപദ്ധതികള് എന്ന വിഷയത്തില് ആര്.അശോക് എന്നിവര് ക്ലാസ്സുകള് നയിക്കും. ഉച്ചയ്ക്ക് രണ്ടിന് ്പ്രധാനമന്ത്രി മുദ്രായോജന പദ്ധതിയുടെ വായ്പാ ബോധവല്ക്കരണവും പ്രോജക്ട് പ്രസന്റേഷനും നടക്കും. മേക്ക്ഇന് കേരള ടിം അംഗങ്ങള് ക്ലാസുകള് നയിക്കും.
