വടകര: തണ്ണീര്പന്തല് റൂട്ടില് ഓടുന്ന നയനംബസിലെ ജീവനക്കാരെ ബൈക്ക് യാത്രക്കാര് മര്ദ്ദിച്ചു. പരിക്കേറ്റ ഡ്രൈവര് ചിങ്ങോത്ത് താഴെക്കുനി റിനീഷ്(30), കണ്ടക്ടര് ചെറുപംപൊയില് ലിനീഷ്(26) എന്നിവരെ വടകര ജില്ലാ ആശുപത്രിയില് പ്രവേശിപ്പിച്ചു. ജീവനക്കാരെ മര്ദ്ദിച്ചവരെ അറസ്റ്റ് ചെയ്യാത്തപക്ഷം നാളെ വടകര-തണ്ണീര്പന്തല് റൂട്ടില് പണിമുടക്ക് നടത്താന് സംയുക്ത തൊഴിലാളി യൂണിയനുകളുടെ യോഗം തീരുമാനിച്ചു. കഴിഞ്ഞ കുറച്ചുദിവസങ്ങള്ക്ക് മുമ്പാ ണ് ഓര്ക്കാട്ടേരി ഒപി ബസ്സ്റ്റോപ്പില് വെച്ച് ഒരു പറ്റം പേര് ബസ് ജീവനക്കാരെ മര്ദ്ദിച്ചത്. അതിന്റെ പേരില് നടന്ന പണിമുടക്ക് വടകര തഹസില്ദാരും നേതൃത്വകത്തിലാണ് പരിഹരിച്ചത്. വീണ്ടും ജീവനക്കാരെ ആക്രമിക്കുന്നത് തുടരുകയാണ്. കഴിഞ്ഞദിവസം രാത്രി മൂന്ന് ബൈക്കുകള് നയനംബസ്സിന്റെ യാത്ര തടസ്സപ്പെടുത്താന് ശ്രമിച്ചിരുന്നു. ഇതിനെക്കുറിച്ച് ജീവനക്കാര് പോലീസില് പരാതി നല്കി. ഇതാണ് മര്ദ്ദനത്തിന് കാരണമെന്ന് യൂണിയന് ഭാരവാഹികള് പറഞ്ഞു. സംഭവത്തില് യൂണിയന്റെ സംയുക്തയോഗം പ്രതിഷേധിച്ച. യോഗത്തില് എം.ബാലകൃഷ്ണന്(ബിഎംഎസ്), മടപ്പള്ളി മോഹനന്, പുത്തൂര് അശോകന്(ഐഎന്ടിയുസി), കെ.വി. രാമചന്ദ്രന്, എ.സതീശന്(സിഐടിയു), മീനത്ത് മൊയ്തു(എസ്ടിയു),വി.ആര്. രമേഷ് (എഐടിയുസി), ചെറിയത്ത് വിനോദന്(എച്ച്എംഎസ്), പി.രാജേഷ് എന്നിവര് സംസാരിച്ചു.
ബസ് ജീവനക്കാര്ക്ക് നേരെ വീണ്ടും മര്ദ്ദനം; വടകര-തണ്ണീര്പന്തല് റൂട്ടില് നാളെ പണിമുടക്ക്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.