കോട്ടയം:യോഗ ക്ഷേമ സഭാ സംസ്ഥാന സമ്മേളനം ഇന്ന് സമാപിക്കും.പാരീഷ്ഹാളില് രാവിലെ9ന് നടക്കുന്ന യുവജനസമ്മേളനം കോട്ടയം സബ്കളക്ടര് ഡോ.ദിവ്യാ എസ്. അയ്യര് ഉദ്ഘാടനം ചെയ്യും.മാമ്മന്മാപ്പിളഹാളില് രാവിലെ 9ന് പ്രതിഭാ പുരസ്ക്കാരദാനം,അനുസ്മരണം,അനുമോദനം, ആദരണം എന്നീ ചടങ്ങുകള് നടക്കും.ഐഷാ പോറ്റി എം എല്എ പുരസ്ക്കാരദാനം നിര്വഹിക്കും.ഡോ.പി.വി.വിശ്വനാഥന് നമ്പൂതിരി മുഖ്യപ്രഭാഷണം നടത്തും.
ഉച്ചകഴിഞ്ഞ് മൂന്നുമണിക്ക് പോലീസ് പരേഡ് ഗ്രൗണ്ടില് നിന്നും ഘോഷയാത്രആരംഭിക്കും.തിരുനക്കരമൈതാനിയില് ഘോഷയാത്രഎത്തിയശേഷം നാലരയ്ക്കു നടക്കുന്ന സമാപനസമ്മേളനം മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്യും.
ഇന്നലെ സഭയുടെ സമഗ്രകര്മ പരിശീലനപരിപാടിയായ നവോത്ഥാനം പദ്ധതി ബിജെപി സംസ്ഥാനപ്രസിഡന്റ് വി.മുരളീധരനും സാംസ്കാരികസമ്മേളനംജോസ് കെ.മാണി എം.പിയും ഉദ്ഘാടനം ചെയ്തു.സംസ്ഥാന പ്രസിഡന്റ് അക്കീരമണ് കാളിദാസന് ഭട്ടതിരിപ്പാട് അധ്യക്ഷത വഹിച്ചു. കേരള കലാമണ്ഡലം സര്വകലാശാല വൈസ്ചാന്സലര് പി.എന്.സുരേഷ് മുഖ്യപ്രഭാഷണം നടത്തി.
ഉപസഭകളുടെ ശാക്തീകരണം ലക്ഷ്യമിട്ടുള്ള നവോത്ഥാനം പദ്ധതിയുടെ വിശദീകരണം രാജുനാരായണന് നമ്പൂതിരി നിര്വഹിച്ചു. പ്രഫ. എന്.ഇ കേശവന് നമ്പൂതിരി രചിച്ച ‘മന്ത്രശാസ്ത്രവും മോഡേണ് സയന്സും’ എന്ന പുസ്തകത്തിന്റെ പ്രകാശനം രവി ഡി.സി നിവര്വഹിച്ചു. താന്ത്രിമാരായ കടിയക്കോല് കൃഷ്ണന് നമ്പൂതിരി, മോനോട് കൃഷ്ണന് നമ്പൂതിരി എന്നിവരെ ചടങ്ങില് ആദരിച്ചു. അഖില കേരള തന്ത്രി സമാജം വൈസ്പ്രസിഡന്റ് എ.ബി കുബേരന് നമ്പൂതിരിപ്പാട്, തന്ത്രിമണ്ഡലം പ്രസിഡന്റ് എസ്.നീലകണ്ഠന് പോറ്റി, കൃഷ്ണന് കാരക്കാട്, വി.എസ്.മണിക്കുട്ടന് നമ്പൂതിരി എന്നിവര് സംസാരിച്ചു. സമ്മേളനത്തോടനുബന്ധിച്ച് പ്രമുഖവിദ്യാഭ്യാസ വിചക്ഷണന് ബി.എസ്.വാര്യരുടെ ക്ലാസും സംഘടിപ്പിച്ചിരുന്നു. അന്തര്ജനങ്ങളുടെ സാമൂഹികകാഴ്ചപ്പാട്, നമ്പൂതിരിയും വ്യവസായവും എന്നീ വിഷയങ്ങളില് നടന്ന സെമിനാറുകള്ക്ക് ഡോ. ജംമ്ന മോഹന്, ലതാ നമ്പൂതിരി, ഹരി എന്.നമ്പൂതിരി എന്നിവര് നേതൃത്വം നല്കി
