കോട്ടയം: വാഹനാപകടത്തില് പരിക്കേറ്റ് ഓര്മ്മശക്തി നഷ്ടപ്പെട്ട വീട്ടമ്മയ്ക്ക് 17 ലക്ഷം രൂപ നഷ്ടപരിഹാരം നല്കാന് ഉത്തരവ്. കറുച്ചാല് ചമ്പക്കര മധുരിമയില് മധുസൂദനന്നായരുടെ ഭാര്യ ശോഭനാ നായര്ക്ക്(57) നാണ് നഷ്ടപരിഹാരമായി 17,10,266 രൂപാ അനുവദിച്ചുകൊണ്ട് കോട്ടയം അഡീഷണല് മോട്ടോര് ആക്സിഡെന്റ് ക്ലയിംസ് ട്രൈബ്യൂണല് ജഡ്ജി ഡോ.വിജയകുമാര് ഉത്തരവായത്.ഗുരുവായൂര് ദര്ശനത്തിന് കുടുംബസഹിതം ടാറ്റാസുമോയില് യാത്ര ചെയ്യുമ്പോള് 2012 ഫെബ്രുവരി 20ന് നാഷണല് ഹൈവേയില് നോര്ത്ത് പറവൂര്, വഴികുളങ്ങരവെച്ച് മഹീന്ദ്രാ വാന് ടാറ്റാസുമോയില് ഇടിച്ച് തലയ്ക്ക് ഗുരുതരമായി പരിക്കുപറ്റി ഓര്മ്മശക്തി അറുപതുശതമാനത്തോളം നഷ്ടപ്പെട്ടിരുന്നു. നഷ്ടപരിഹാര തുക മഹീന്ദ്രാവാനിന്റെ ഇന്ഷുറന്സ് കമ്പനി ഒരുമാസത്തിനകം കോടതിയില് കെട്ടിവെയ്ക്കണമെന്നും ഉത്തരവില് പറയുന്നു. വാദിഭാഗത്തിന് വേണ്ടി അഡ്വ.ആന്റണി പനന്തോട്ടം ഹാജരായി.
ഓര്മ്മശക്തി നഷ്ടപ്പെട്ട വീട്ടമ്മയ്ക്ക് 17 ലക്ഷം നഷ്ടപരിഹാരം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.