ആലപ്പുഴ: കാര്‍ഡിയോളജിക്കല്‍ സൊസൈറ്റി ഓഫ് ഇന്ത്യ കേരളാ ചാപ്റ്റര്‍, ആലപ്പുഴ മെഡിക്കല്‍ കോളജ് കാര്‍ഡിയോളജി, കമ്യൂണിറ്റി മെഡിസിന്‍ ഡിപ്പാര്‍ട്ട്‌മെന്റുകള്‍ എന്നിവയുടെ നേതൃത്വത്തില്‍ സൗജന്യ രക്തസമ്മര്‍ദ പരിശോധന ഇന്ന് ജില്ലയില്‍ വിവിധ കേന്ദ്രങ്ങളില്‍ നടക്കും. ജില്ലയിലെ രണ്ടായിരത്തില്‍ അധികം പേരുടെ രക്തസമ്മര്‍ദം പരിശോധിച്ചു ഫലപ്രദമായ ചികില്‍സ നിര്‍ദേശിക്കും. ആലപ്പുഴ മെഡിക്കല്‍ കോളജ്, മെഡിക്കല്‍ കോളജ് ആശുപത്രിക്കുളളിലുള്ള ഇന്ത്യന്‍ കോഫി ഹൗസ്, ആലപ്പുഴ കെഎസ്ആര്‍ടിസി ബസ് സ്റ്റാന്‍ഡ്, ആലപ്പുഴ റയില്‍വേ സ്റ്റേഷന്‍ എന്നിവിടങ്ങളില്‍ രാവിലെ ഒന്‍പതു മുതല്‍ വൈകിട്ട് അഞ്ചു വരെ പരിശോധന നടക്കും. ഉയര്‍ന്ന രക്തസമ്മര്‍ദം പലരും തിരിച്ചറിയാത്തതിനാല്‍ നിശബ്ദ കൊലയാളിയായി പടരുകയാണെന്നും ഹൃദയാഘാതമുണ്ടാകാനുള്ള സാധ്യത ഇവരില്‍ രണ്ടു മടങ്ങും പക്ഷാഘാതമുണ്ടാകാനുള്ള സാധ്യത അഞ്ചു മടങ്ങും വൃക്കസ്തംഭനം, കാഴ്ച നഷ്ടം തുടങ്ങിയവ ഉണ്ടാകാനുള്ള സാധ്യത മൂന്നു മടങ്ങും കൂടുതലാണെന്നും കാര്‍ഡിയോളജിക്കല്‍ സൊസൈറ്റി ഒഫ് ഇന്ത്യ സംസ്ഥാന പ്രസിഡന്റും വണ്ടാനം മെഡിക്കല്‍ കോളജ് കാര്‍ഡിയോളജി വിഭാഗം അദ്ധ്യക്ഷയുമായ ഡോ. സുനിത വിശ്വനാഥന്‍ പത്ര സമ്മേളനത്തില്‍ അറിയിച്ചു.
സൗജന്യ രക്തസമ്മര്‍ദ പരിശോധന ഇന്ന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.