കൊച്ചി: കേരള ഫിഷറീസ് സമുദ്രപഠന സര്വകലാശാലയുടെ (കുഫോസ്) അംഗീകൃത ഗവേഷണ കേന്ദ്രങ്ങളായി സെന്ട്രല് ഇന്സ്റ്റിറ്റിയൂട്ട് ഓഫ് ഫിഷറീസ് നോട്ടിക്കല് ആന്റ് എഞ്ചിനീയറിംഗ് ്രൈടനിംഗ് (സിഫ്നെറ്റ്), സെന്റ് പോള്സ് കോളേജ് കളമശ്ശേരി, നാണ്സന് എന്വയോണ്മെന്റല് റിസര്ച്ച് സെന്റര് ഇന്ത്യ (നെര്സി), ശ്രീനാരായണ ഗുരുകുലം കോളേജ് ഓഫ് എഞ്ചിനീയറിംഗ് (എസ് എന് ജി സി ഇ) കടയിരുപ്പ് എന്നീ സ്ഥാപനങ്ങള്ക്ക് സര്വകലാശാല അംഗീകാരം നല്കി. വൈസ്ചാന്സലര് ഡോ. ബി. മധുസൂദനക്കുറുപ്പിന്റെ അധ്യക്ഷതയില് ചേര്ന്ന ഗവേണിംഗ് കൗണ്സില് യോഗമാണ് ഈ തീരുമാനമെടുത്തത്.
സ്ഥാപനങ്ങളില് നിന്ന് ലഭിച്ച അപേക്ഷയുടെ അടിസ്ഥാനത്തില് ആദ്യഘട്ടത്തില് നാല് സ്ഥാപനങ്ങളിലാണ് സര്വകലാശാല അധികാരികള് സന്ദര്ശനം നടത്തി സൗകര്യങ്ങള് വിലയിരുത്തിയത്. ഫിഷറീസ്, സമുദ്രപഠനം, അനുബന്ധമേഖലകളുമായി ബന്ധപ്പെട്ട് നടത്തുന്ന ഗവേഷണസംരംഭങ്ങള് പരിഗണിച്ചാണ് ഈ സ്ഥാപനങ്ങളെ കുഫോസിന്റെ ഗവേഷണ കേന്ദ്രങ്ങളായി അംഗീകരിച്ചത്.
അടുത്ത ഘട്ടത്തില്, അപേക്ഷ നല്കിയ മറ്റ് സ്ഥാപനങ്ങളെയും സൗകര്യങ്ങള് പരിശോധിച്ച് സര്വകലാശാലയുടെ അംഗീകൃത ഗവേഷണ കേന്ദ്രങ്ങളാക്കുന്നതിന് പരിഗണിക്കും.
കേരളത്തില് പ്രവര്ത്തിക്കുന്ന ഫിഷറീസ്, സമുദ്രപഠനം, അനുബന്ധമേഖലകള് എന്നിവയില് ഗവേഷണം നടത്തുന്ന സര്ക്കാര്, സ്വകാര്യ സ്ഥാപനങ്ങള്ക്കാണ് കുഫോസിന്റെ അംഗീകൃത ഗവേഷണ കേന്ദ്രങ്ങളാകാനുള്ള അവസരമുള്ളത്. കുഫോസ് നിഷ്കര്ഷിക്കുന്ന യോഗ്യതകളുണ്ടെന്ന് പരിശോധനയിലൂടെ ബോധ്യപ്പെട്ട ശേഷമാണ് അംഗീകാരം നല്കുക.
