ഇസ്ലാമാബാദ്: വടക്കന് വസീരിസ്ഥാനില് പാക്കിസ്ഥാന് സൈന്യം നടത്തിയ വ്യോമാക്രമണത്തില് 15 ഭീകരര് കൊല്ലപ്പെട്ടു. നിരവധി പേര്ക്ക് പരിക്കേറ്റിട്ടുണ്ട്. ഷവാല് മേഖലയിലെ ഭീകരരുടെ ശക്തികേന്ദ്രമായ ഏഴ് ഒളിസങ്കേതങ്ങളിലായിരുന്നു ആക്രമണം.
പ്രദേശത്ത് ഭീകര് ഒളിച്ചുതാമസിക്കുന്നുണ്ടെന്ന രഹസ്യവിവരത്തെ തുടര്ന്നാണ് പാകിസ്ഥാന് സൈന്യം ആക്രമണം നടത്തിയത്. സൈന്യത്തിനുനേരെ ഭീകരരും ശക്തമായി തിരിച്ചടിച്ചു.
തെഹ്രിക് ഇ താലിബാന്, ലഷ്കര് ഇ ഇസ്ലാം ഭീകരര്ക്ക് നേരെയാണ് പാക്കിസ്ഥാന് യുദ്ധവിമാനങ്ങള് ആക്രമണം നടത്തിയത്. കൊല്ലപ്പെട്ടവരേക്കുറിച്ചുള്ള കൂടുതല് വിവരങ്ങള് പാക് സൈന്യം വെളിപ്പെടുത്തിയിട്ടില്ല.
ഭീകരര്ക്ക് ഓപ്പറേഷന് സര്ബ് ഇ അസബിന്റെ ഭാഗമായിരുന്നു ആക്രമണം. ഈ ഓപ്പറേഷനില് ഇതുവരെ 3000 ഭീകരര് കൊല്ലപ്പെട്ടതായാണ് കണക്ക്.
