പെരിന്തല്മണ്ണ: യാത്രക്കാര്ക്ക് ആവശ്യമില്ലാതായപ്പോള് ബസ്റ്റാന്ഡ് മദ്യപാനികള് കയ്യടക്കി. പെരിന്തല്മണ്ണ മനഴി ബസ്റ്റാന്ഡിനാണ് ഈ ദുര്ഗതി. സ്റ്റാന്ഡില് ബസുകള് പ്രവേശിക്കാറുണ്ടെങ്കിലും ഇവിടെ നിന്ന് ബസ് കയറുകയും ഇറങ്ങുകയും ചെയ്യുന്ന യാത്രക്കാരുടെ എണ്ണം തീരെ കുറവാണ്. പെരിന്തല്മണ്ണ ടൗണില് നിന്നും ഏറെ ദൂരത്തില് സ്ഥിതി ചെയ്യുന്നതാണ് ബസ്റ്റാന്ഡിന്റെ ശോചനാവസ്ഥക്ക് കാരണം. ഇത് കൂടാതെ വേറെ രണ്ട് ബസ്റ്റാന്ഡുകള് കൂടി പെരിന്തല്മണ്ണയിലുണ്ട്. മറ്റൊന്നിന്റെ പണി നടക്കുകയും ചെയ്യുന്നു. അതേസമയം ആളൊഴിഞ്ഞ ബസ്റ്റാന്ഡ് മദ്യപാനികള് കയ്യടക്കിയിട്ടും നഗരസഭക്കോ നിയമപാലകര്ക്കോ അനക്കമില്ലതാനും. പെരിന്തല്മണ്ണയിലെ ഗവ.ഹോമിയോ ആശുപത്രി സ്ഥിതി ചെയ്യുന്നത് മനഴി സ്റ്റാന്ഡില് നിര്മ്മിച്ചിരിക്കുന്ന ഷോപ്പിംഗ് കോപ്ലക്സിലാണ്. ദിവസവും ധാരാളം രോഗികളാണ് ഇവിടെ എത്തുന്നതും. മദ്യപാനികളുടെ വിളയാട്ടം രോഗികള്ക്ക് ബുദ്ധിമുട്ട് ഉണ്ടാക്കുന്നുണ്ട്. ഇത് തടയാന് പോലീസ് ഉണര്ന്ന് പ്രവര്ത്തിക്കുമെന്ന പ്രതീക്ഷയിലാണ് നാട്ടുകാര്.
പെരിന്തല്മണ്ണ മനഴി ബസ്റ്റാന്ഡ് മദ്യപാനികള് കയ്യടക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.