ഹൈദരാബാദ്: കഴിഞ്ഞ ദിവസം ഹൈദരാബാദില് അറസ്റ്റിലായ ഐഎസ് ബന്ധമുള്ള അഫ്ഷ ജാബീന് തന്ത്രശാലിയെന്ന് റിപ്പോര്ട്ടുകള്. തന്റെ യാത്രകള്ക്ക് തടസമുണ്ടാകാതിരിക്കാന് നിക്കി ജോസഫ് എന്ന് പേരുമാറ്റിയ അവര് ഒരു ഹിന്ദുയുവാവിനെയാണ് വിവാഹം കഴിച്ചത്. മാത്രമല്ല അയാളെ മതം മാറ്റുകയും ചെയ്തു.
ഐഎസ് ബന്ധം കണ്ടെത്തിയതിനെത്തുടര്ന്ന് ദുബായ് പുറത്താക്കിയ 38 കാരിയായ അഫ്ഷയെ വെള്ളിയാഴ്ച പുലര്ച്ചെയാണ് ഹൈദരാബാദ് വിമാനത്താവളത്തില് നിന്ന് അറസ്റ്റു ചെയ്തത്. ഐസിലേക്ക് അവര് റിക്രൂട്ട്മെന്റ് നടത്തിയതായി തെളിഞ്ഞിട്ടുണ്ട്.
ഇസഌം മതം സ്വീകരിച്ച ക്രിസ്ത്യാനിയാണ് താനെന്നാണ് അഫ്ഷ പറഞ്ഞിരുന്നത്. ഇത് ഇതരമതസ്ഥരെ ആകര്ഷിക്കാനായിരുന്നു. യൂട്യൂബിലെ ഒരു വീഡിയോ കണ്ടതിനുശേഷമാണ് താന് ക്രിസ്ത്യാനിയാണെന്ന് പറഞ്ഞുതുടങ്ങിയത്.
2008ല് ഇസഌമും ക്രിസ്തുമതവും എന്ന പേരില് ഫേസ്ബുക്ക് അക്കൗണ്ട് തുടങ്ങി.
2002ലാണ് ദേവവേന്ദ്ര ബത്രയെ വിവാഹം കഴിച്ചത്. ഇയാളെ മതംമാറ്റി പേര് മുസ്തഫയെന്നാക്കി. ദുബായിയില് ഇരുവരും ഒരു സ്വകാര്യസ്ഥാപനത്തില് ജോലി ചെയ്യുമ്പോഴാണ് വിവാഹം. ഭര്ത്താവ് റിയല് എസ്റ്റേറ്റ് ഏജന്സി നടത്തുകയായിരുന്നു. മൂന്നു പെണ്മക്കളാണ് ഉള്ളത്. ഇവരെയെല്ലാം ദുബായില് നിന്ന് നാടുകടത്തിയിട്ടുണ്ട്.
യുവാക്കളെ മനസുമാറ്റി ഐഎസിലേക്ക് ആകര്ഷിക്കുകയാണ് ഇവര് ചെയ്തുവന്നിരുന്നത്. ഇങ്ങനെ ചിലരെ ഐഎസില് ചേര്ത്തതായും സംശയം ബലപ്പെട്ടിട്ടുണ്ട്. തെലങ്കാന സ്വദേശി സല്മാന് മൊഹിയുദ്ദീന് ഐഎസില് ചേരാന് സിറിയയിലേക്ക് പോകുന്നതിനിടെ അറസ്റ്റിലായിരുന്നു. നിക്കിയാണ് തന്നെ ഐഎസിലേക്ക് അയച്ചതെന്നാണ് ഇയാള് മൊഴി നല്കിയത്. അന്നു മുതല് നിക്കിയെന്ന അഫ്ഷ നിരീക്ഷണത്തിലായിരുന്നു. ദല്ഹി, സൂററ്റ്, മുംബൈ, ജമ്മുകശ്മീര് എന്നിവടങ്ങളില് നിന്നുള്ള നാലു യുവാക്കളുമായി ചേര്ന്ന് ദൗല ഇസഌമിയ എന്ന പേരില് ഫേസ്ബുക്ക് അഫൗണ്ട് തുടങ്ങി യുവാക്കള്ക്കിടയില് ഐഎസിന്റെ ആയശങ്ങള് പ്രചരിപ്പിച്ചു. ജിഹാദിന് യുവാക്കളെ പ്രേരിപ്പിച്ചു.
യുഎഇയിലുള്ള നിരവധി ഭാരതീയ യുവാക്കള് ഐഎസ് ബന്ധം ഉണ്ടോയെന്ന സംശയം കാരണം നിരീക്ഷണത്തിലാണ്. സോഷ്യല് മീഡിയയില് ഐഎസ് ആശയങ്ങളും ലഖുലേഖകളും പ്രചരിപ്പിച്ചതിനെത്തുടര്ന്ന് അടുത്തിടെ രണ്ട് മലയാളികളെ ദുബായി നാടുകടത്തിയിരുന്നു.
കുറഞ്ഞത് മുപ്പത് ഭാരതീയരെങ്കിലും ഐഎസിലുണ്ടെന്നാണ് പുതിയ കണക്ക്.
