മരങ്ങാട്ടുപിള്ളി: മരങ്ങാട്ടുപിള്ളി പൊലീസ്സ്റ്റേഷനില് മൂന്നാംമുറക്കിരയായി കൊലചെയ്യപ്പെട്ട ഹരിജന്യുവാവ് പാറയ്ക്കല് സിബിയുടെ കുടുംബത്തിനു ഭീഷണി.
കോടതിയില് രഹസ്യമൊഴി നല്കിയതിനുതൊട്ടുപിന്നാലെ ക്രൈംബ്രാഞ്ച് ഉദ്യോഗസ്ഥരെന്ന് പറഞ്ഞെത്തിയ രണ്ടംഗസംഘം സിബിയുടെ വീട്ടിലെത്തി ഭീഷണിമുഴക്കി മജിസ്ട്രേറ്റിനുമുമ്പില് നല്കിയ രഹസ്യമൊഴി ആവശ്യപ്പെട്ടാണ് സംഘമെത്തിയത് സംഭവംസംബന്ധിച്ച് സിബിയുടെ മാതാപിതാക്കളായ വിശ്വംഭരനും ലീലയും ജില്ല പൊലീസ് സൂപ്രണ്ടിനു ബുധനാഴ്ച പരാതിനല്കി. കഴിഞ്ഞഓഗസ്റ്റ് 31 നാണ് കോട്ടയം ജുഡീഷ്യല്ഫസ്റ്റ്ക്ലസ് മജിസ്ട്രേറ്റ് മുമ്പാകെ വിശ്വംഭരന് കേസ് സംബന്ധിച്ച് രഹസ്യമൊഴിനല്കിയത് അഞ്ചുദിവസങ്ങല്ക്കുശേഷം ഈമാസം നാലിനാണ് രണ്ടംഗസംഘം സിബിയുടെ വീട്ടിലെത്തിയത്. ക്രൈബ്രാഞ്ച് ഉദ്യോഗസ്ഥരെന്ന് പരിചയപ്പെടുത്തിയസംഘം സിബിയുടെ പിതാവവിശ്വംഭരനോട് മജിസ്ട്രേറ്റിനു മുമ്പില് നല്കിയരഹസ്യമൊഴി തങ്ങള്ക്കൊപ്പമെത്തി നല്കണമെന്നാവശ്യപ്പെട്ടു. സിബിയുടെ കൊലപാതകംസംബന്ധിച്ച് അന്വേഷണം നടത്തിവരുന്ന ക്രൈംബ്രാഞ്ച് സംഘത്തിലെ ഉദ്യോഗസ്ഥരെ പരിചയമുണ്ടായിരുന്ന വിശ്വംഭരന്അപരിചിതരുടെ പെരുമാറ്റത്തില് സംശയംതോന്നി വന്നവര്ക്കൊപ്പം പോവാന്വിസമ്മതിച്ചു.
കടുംബാങ്ങളാരും വീട്ടിലില്ലെന്നും പിന്നീട് വരാമെന്ന് അറിയിച്ചുവെങ്കിലും വന്നവര് ഇതിനുതയ്യാറായില്ല വിശ്വംഭരനെ ബലമായി പിടിച്ചിറക്കിക്കൊണ്ടുപോവാന് പരിശ്രമിച്ചു താന് വന്നില്ലെങ്കില് തന്നെ കൊണ്ടുപോവാനറിയാം എന്ന ഭീഷണിയും മുഴക്കി ഇതിനിടെ വിട്ടുമുറ്റത്തിറങ്ങി വിശ്വംഭരന് ബഹളംസൃഷ്ടിച്ചതിനേത്തുടര്ന്ന് വീട്ടിലെത്തിയവര് മടങ്ങിപ്പോയെന്നും വിശ്വംഭരന് ജില്ലാപൊലീസ് മേധാവിക്ക് നല്കിയ പരാതിയില്പ്പറയുന്നു.
സിബിയുടെ കൊലപാതകംസംബന്ധിച്ച് അന്വേഷണം നടത്തുന്ന പ്രത്യേകസംഘത്തലവന് ക്രൈംബ്രാഞ്ച് ഡിവൈഎസ്പി ജോണ്സണ്ജോസഫിനോട് സംഭവം അറിയിച്ചു എന്നാല് തന്റെ ഓഫീസില് നിന്ന് ആരും നാലാംതിയതി സിബിയുടെ വീട്ടില്പോയിട്ടില്ലെന്നും സംഭവവുമായിബന്ധമില്ലെന്നും അറിയിച്ചതോടെയാണ് വിശ്വംഭരനും ലീലയും പരാതിയുമായി പൊലീസിനെ സമീപിച്ചത്. ജില്ലാപൊലീസ് സൂപ്രണ്ടിനുനല്കിയപരാതിയേത്തുടര്ന്ന് സംഭവത്തേക്കുറിച്ച് അന്വേഷണം നടത്താന് പാലാ ഡിവൈഎസ്പി ഡി.എസ് സുനീഷ്ബാബുവിന് നിര്ദ്ദേശം നല്കി.
