പുനലൂര്: മോദി സര്ക്കാരിന്റെ അഴിമതിരഹിത വികസന നയങ്ങളില് വിറളിപൂണ്ട കോണ്ഗ്രസിന്റെ സഹജമായ അസൂയ, മനോരോഗത്തിലേക്ക് വഴി മാറിയിരിക്കുന്നതിന്റെ തെളിവാണ് പാര്ലമെന്റ് സ്തംഭിപ്പിക്കുവാന് കോണ്ഗ്രസിനെയും ജനപിന്തുണ നഷ്ടപ്പെട്ട ഇടതുപക്ഷത്തേയും പ്രേരിപ്പിക്കുന്നതെന്ന് ബിജെപി എംപി സി.ആര്.ചൗധരി പറഞ്ഞു. ‘
ഭാരതത്തിലുട നീളം ബിജെപി നടത്തുന്ന രാഷ്ട്രീയ വിശദീകരണ യോഗത്തിന്റെ ഭാഗമായി സംഘടിപ്പിച്ച പരിപാടി പുനലൂരില് ഉദ്ഘാടനം ചെയ്യുകയായിരുന്നു അദ്ദേഹം.
മനുഷ്യത്വത്തിന്റെ പേരില് സുഷമസ്വരാജ് നല്കിയ ലൈറ്ററും മുന്യുപിഎ സര്ക്കാരിന്റെ ലക്ഷം കോടി അഴിമതിയും ഒരുപോലെ താരതമ്യം ചെയ്യാന് കോണ്ഗ്രസിന്റെ വികലമായ നേതൃത്വത്തിനു കഴിയുമെന്നും അദ്ദേഹം കൂട്ടിച്ചേര്ത്തു.
പാര്ലമെന്റ് സ്തംഭിപ്പിച്ചതിന്റെ തിരിച്ചടിയാണ് മദ്ധ്യപ്രദേശ്, രാജസ്ഥാന്, കര്ണ്ണാടക തുടങ്ങിയ സംസ്ഥാനങ്ങളില് നടന്ന ലോക്കല് ബോഡി തെരഞ്ഞെടുപ്പില് കോണ്ഗ്രസിനേറ്റ പരാജയമെന്ന് അദ്ദേഹം പറഞ്ഞു. മോദി സര്ക്കാരിനോടുള്ള ജനങ്ങളുടെ വര്ദ്ധിച്ചുവരുന്ന ജനപിന്തുണയുടെ തെളിവായിരുന്നു അഭൂതപൂര്വമായ ബിജെപിയുടെ വിജയമെന്നും അദ്ദേഹം കൂട്ടിചേര്ത്തു. മണ്ഡലം പ്രസിഡന്റ് ആലഞ്ചേരി ജയചന്ദ്രന് അദ്ധ്യക്ഷത വഹിച്ചു. സംസ്ഥാന സെക്രട്ടറി ബി.രാധാമണി, രാജിപ്രസാദ്, നേതാക്കളായ വടമണ്ബിജു, എന്.വാസുദേവന്, ആയൂര് മുരളി, അരുണ്ചന്ദ്രശേഖര്, സി.സുരേഷ് ബാബു, ഇടമണ് റെജി, ഏരൂര് സുനില്, പുഷ്പകുമാരി, അയിലറ സന്തോഷ്, ഇടമണ് സുബീഷ്, വി.ആര്.വിജയന്, പി.ബാനര്ജി, കാവില് പ്രസാദ്, രഞ്ജിത്, സന്തോഷ് ഭരണിക്കാവ് തുടങ്ങിയവര് സംസാരിച്ചു.
