ബാഗ്ദാദ്: ഇസ്ലാമിക് സ്റ്റേറ്റിനെതിരെ ശക്തമായ ആക്രമണത്തിനു പോര്വിമാനങ്ങളെ രംഗത്തിറക്കി ഇറാക്ക്.
വടക്കന് ബാഗ്ദാദില് ഐഎസിനെ നേരിടാന് യുഎസ് നിര്മിത എഫ്-16 ജെറ്റുകളെ വിന്യസിച്ചതായി ഇറാക്കിന്റെ വ്യോമസേനാ കമാന്ഡര് അറിയിച്ചു. ഐഎസിനെതിരെ കഴിഞ്ഞ നാലുദിവസത്തിനിടെ 15 വ്യോമാക്രമണങ്ങളാണു നടത്തിയതെന്നു ലഫ്. ജനറല്. അന്വര് ഹമാ അമിന് പറഞ്ഞു.
വടക്കന് ബാഗ്ദാദിലെ സലാഹുദിന്, കിര്കുക് പ്രവിശ്യകളിലാണ് എഫ്-16 പോര്വിമാനം വ്യോമാക്രമണം നടത്തുക. ജൂലൈ പകുതിയോടെ 36 എഫ്-16 ജെറ്റുകളില് നാലെണ്ണം യുഎസില് നിന്നും എത്തിയിരുന്നു.
