കോട്ടയം: നാഗമ്പടത്ത് എം.സി.റോഡിന്റെ ഒരുഭാഗം ഇടിഞ്ഞ് ഗതാഗതം തടസ്സപ്പെട്ടു. റെയില്വേ മേല്പ്പാലം നിര്മ്മാണത്തിനിടെയാണ് കഴിഞ്ഞദിവസം റോഡിന്റെ ഒരുഭാഗം ഇടിഞ്ഞത്. ഇതേത്തുടര്ന്ന് ഇതുവഴിയുള്ള ഗതാഗതം ഒറ്റവരിയായി നിയന്ത്രിച്ചു. വാഹനത്തിരക്കേറിയ ഇവിടെ ഗതാഗത നിയന്ത്രണം ഏര്പ്പെടുത്തിയതോടെ ഗതാഗതക്കുരുക്കും രൂക്ഷമായി. നാഗമ്പടം പാലത്തോട് ചേര്ന്ന് പുതിയ റെയില്വേപ്പാലത്തിന്റെ നിര്മ്മാണ ജോലികള് ദ്രുതഗതിയില് നടക്കുന്നതിനിടെയാണ് മണ്ണിടിച്ചിലുണ്ടായത്. നേരത്തെ പാലത്തിന്റെ നിര്മ്മാണ പ്രവര്ത്തനങ്ങള് ആരംഭിച്ചപ്പോഴും മണ്ണിടിച്ചിലുണ്ടായിരുന്നു. മണ്ണിടിഞ്ഞതിനെത്തുടര്ന്ന് റോഡിന്റെ ഒരുഭാഗത്ത് കമ്പിവേലി കെട്ടി അപായ സൂചന നല്കിയിരുന്നു. ഇതേത്തുടര്ന്ന് ഈ റോഡിലൂടെ ഒരേ സമയം രണ്ട് വാഹനങ്ങള്ക്ക് ഞെങ്ങിഞെരുങ്ങി കടന്നുപോകുവാനേ കഴിയുമായിരുന്നുള്ളൂ. ഗതാഗത തിരക്കേറുന്ന സന്ദര്ഭങ്ങളില് ഇതുകൊണ്ടുതന്നെ നാഗമ്പടത്ത് വാഹനങ്ങളുടെ വന്നിര ഉണ്ടാവുകയും ഗതാഗതക്കുരുക്ക് രൂക്ഷമാകുകയും ചെയ്തിരുന്നു. ഇതിനിടെയിലാണ് ഇന്നലെ വീണ്ടും മണ്ണിടിച്ചിലുണ്ടായത്. ഇതോടെ ഒരുസമയം ഒരു വാഹനത്തെമാത്രമേ കടന്നുപോകാന് അനുവദിച്ചുള്ളൂ. ഇതോടെ കിലോമീറ്ററുകളോളം നിളത്തില് ഇരുഭാഗത്തുമായി വാഹനങ്ങള് കടന്നുപോകാനാകാതെ കുരുങ്ങിക്കിടന്നു.
നാഗമ്പടത്ത് എം.സി.റോഡ് ഇടിഞ്ഞ് ഗതാഗതം തടസ്സപ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.