ചങ്ങനാശ്ശേരി: വിവിധ ഭക്ഷണശാലകളിലും തട്ടുകടകളിലും അനുവദനീയമല്ലാത്ത കളറുകളും അജിനോമോട്ടോയും ഉപയോഗിച്ചു ഭക്ഷ്യ പദാര്ത്ഥങ്ങള് തയ്യാറാക്കുകയും വ്യാപകമായി ഉപയോഗിക്കുന്നതും പതിവായിരിക്കുന്നു. ആരോഗ്യത്തിന് ഹാനികരമായ ഇത്തരം ഉല്പ്പന്നങ്ങളുടെ ഉപയോഗം കണ്ടുപിടിക്കുന്നതിന് യാതൊരു നടപടിയും ഇല്ല. ക്യാന്സര് ഉള്പ്പെടെ നിരവധി മാരകോഗങ്ങള് ഇതുമൂലം ഹോട്ടല് ഭക്ഷണത്തെ ആശ്രയിക്കുന്നവര്ക്ക് പിടിപെടാന് സാധ്യത കൂടുതലാണ്. ഹോട്ടല് വ്യവസായത്തില് മേല്പറഞ്ഞ രാസ വസ്തുക്കള് ഉപയോഗിക്കാന് നിയമം അനുവദിക്കുന്നില്ല.
നിരവധി രാസ പദാര്ത്ഥങ്ങള് ഭക്ഷ്യ വസ്തുക്കളുടെ രുചിയും മണവും കൂട്ടുന്നതിന് ഉപയോഗിച്ചുവരുന്നു. എണ്ണപ്പലഹാരങ്ങളില് ഉപയോഗിക്കുന്ന എണ്ണ പലപ്രാവശ്യം ഉപയോഗിക്കുന്നതിനാല് ഈ എണ്ണയില് വറുത്തെടുക്കുന്ന ഭക്ഷ്യ വിഭവങ്ങള്ക്ക് ഗുണനിലവാരം തീരെ ഇല്ല. ബേക്കറി ഉല്പ്പന്നങ്ങള്, ഹോട്ടല് വിഭവങ്ങള്, പായ്ക്കറ്റ് സാധനങ്ങള് എന്നിവകളിലാണ് നിയമലംഘനം വ്യാപകമായി നടക്കുന്നത്.
ആരോഗ്യ രംഗത്ത് പ്രവര്ത്തിക്കുന്നവരുടെ അഭിപ്രായമനുസരിച്ച് ആരോഗ്യത്തെ കാര്ന്നുതിന്നുന്ന മാരക രോഗങ്ങളാണ് ഇതുമൂലമാണുണ്ടാകുന്നത്. സര്ക്കാരുകള് വളരെ പ്രാധാന്യത്തോടെ ഇക്കാര്യത്തില് പ്രവര്ത്തനങ്ങളും നടപടികളും സ്വീകരിച്ച് ഇത്തരത്തിലുള്ള പ്രവണതകളും പ്രവര്ത്തികളും അവസാനിപ്പിക്കാന് നടപടി സ്വീകരിക്കണമെന്നാണ് പൊതുജനങ്ങള് ആവശ്യപ്പെടുന്നു.
