710. ലക്ഷ്മീദക്ഷാംശസംഭൂതാ – ലക്ഷ്മീദേവിയുടെ വലതുവശത്തുനിന്നുണ്ടായവള്. രുചി എന്ന പ്രജാപതിക്ക് ആകൂതി എന്ന ഭാര്യയില് ജനിച്ച രണ്ടു മക്കളാണ് യജ്ഞനും ദക്ഷിണയും. ദക്ഷിണാദേവിക്ക് സുശീല എന്നപേരില് വീണ്ടും ജനിക്കേണ്ടിവന്നു. സുശീല രാധാദേവിയുടെ തോഴിയായിരുന്നു. ശ്രീകൃഷ്ണനുമായി സുശീല ബന്ധപ്പെട്ടതറിഞ്ഞു കോപിച്ച രാധാദേവി ഗോലോകത്തു കടന്നാല് ഭസ്മമായിപ്പോകട്ടെയെന്നു ശപിച്ചു പുറത്താക്കി. സുശീല തപസ്സുചെയ്തു മഹാലക്ഷ്മിയെ പ്രസാദിപ്പിച്ച് ആ ദേവിയില് ലയിച്ചു. ദക്ഷിണാദേവിയുടെ അവതാരകമായി സുശീല മഹാലക്ഷ്മിയില് ലയിച്ചപ്പോള് യാഗങ്ങള്ക്കു ഫലമില്ലാതായി. ഫലമില്ലാതായപ്പോള് ആളുകള് യാഗം ചെയ്യാതായി. ദേവന്മാര്ക്കു യജ്ഞാംശം കിട്ടാതായപ്പോള് അവര് ബ്രഹ്മദേവനെ അഭയം പ്രാപിച്ചു. ബ്രഹ്മാവ് വിഷ്ണുവിനെ പ്രസാദിപ്പിച്ചു. വിഷ്ണു മഹാലക്ഷ്മിയുടെ വലതുവശത്തുനിന്ന് ദക്ഷിണാദേവിയെ ആകര്ഷിച്ച് ബ്രഹ്മദേവനു കൊടുത്തു. ബ്രഹ്മദേവന് ദേവിയെ യജ്ഞം പുരുഷനും സമര്പ്പിച്ചു. യാഗം തുടങ്ങിയ ആരാധനകള് ഫലപ്രാപ്തിയിലെത്തണമെങ്കില് ദക്ഷിണാദേവിയെ പ്രീതിപ്പെടുത്തണം. ദക്ഷിണകൂടാതെ യജ്ഞങ്ങള്ക്കു ഫലമുണ്ടാകയില്ലെന്നു യജ്ഞപുരുഷന് വിധിച്ചു. ദക്ഷിണാദേവിയും യജ്ഞപുരുഷനും അവരുടെ പുത്രനായ ഫലദനും കൂടിയാണ് യജ്ഞങ്ങള്ക്കും കര്മ്മങ്ങള്ക്കും ഫലം വിതരണം ചെയ്യുന്നത്.
ശ്രീ മൂകാംബികാ സഹസ്രനാമ സ്തോത്രം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.