ഉഴവൂര് : കഞ്ചാവ്. മയക്കുമരുന്ന് മാഫിയായുടെ ആക്രമണത്തില് ബിജെപി പഞ്ചായത്ത് കമ്മിറ്റി സെക്രട്ടറി സുധിക്കുട്ടനും, യുവമോര്ച്ച പ്രവര്ത്തകര്ക്കും പരിക്കേറ്റതില് പഞ്ചായത്ത് കമ്മിറ്റി പ്രതിഷേധം രേഖപ്പെടുത്തി. ഇന്നലെ മണിയാക്കുപാറയില് വച്ചാണ് സംഭവം നടന്നത്. ഉഴവൂരും, പരിസര പ്രദേശത്തും കഞ്ചാവ്-മയക്കുമരുന്ന് മാഫിയ ആക്രമണം പതിവാണ്. ഇതിനെതിരേ പ്രതിഷേധിച്ച് സുധിക്കുട്ടനേയും യുവമോര്ച്ച പഞ്ചായത്ത് കമ്മിറ്റി പ്രസിഡന്റ, സെക്രട്ടറി തുടങ്ങിയ പ്രവര്ത്തകരേയും അവര് അക്രമിക്കുകയായിരുന്നു.
ഓണാഘോഷ പരിപാടികള്ക്കായി പലചരക്കു സാധനങ്ങള് വാങ്ങുകയായിരുന്ന യുവമോര്ച്ച പ്രവര്ത്തകരെ, പ്രശ്നങ്ങള് പറഞ്ഞു തീര്ക്കുവാന് എന്ന വ്യാജേന വിളിച്ചുവരുത്തി ഗുണ്ടാസംഘം അക്രമിക്കുകയായിരുന്നു. കഴിഞ്ഞ ദിവസം കല്ലട കോളനിയ്ക്ക് സമീപം ജീപ്പില് ആയുധങ്ങളുമായി എത്തിയ മയക്കുമരുന്ന് മാഫിയം സംഘത്തെ അന്ന് നാട്ടുകാര് പോലീസില് ഏല്പ്പിച്ചിരുന്നു.
അക്രമത്തിന് പ്രോത്സാഹനം ചെയ്യുന്ന രീതിയിലാണ് ഇടതുമുന്നണി നേതാക്കളുടെ ഇടപെടല്. ബിജെപിയെ തകര്ക്കുകയെന്ന ലക്ഷ്യത്തോടെയാണ് ഇടതുമുന്നണിയിലെ ചിലര് ഇടപ്പെടുന്നത്. കഞ്ചാവ് മാഫിയായുടെ പ്രവര്ത്തനത്തെ നിയന്ത്രിക്കണമെന്നും, ഇവര്ക്ക് ഒത്താശ ചെയ്യുന്നതെന്ന് പഞ്ചായത്ത് കമ്മിറ്റി ആവശ്യപ്പെട്ടു.
