ആലുവ: സംശയത്തെ തുടര്ന്ന് നാട്ടുകാര് പിടികൂടി പോലീസിന് കൈമാറിയയാളുടെ കൈവശമുണ്ടായിരുന്നത് കള്ളനോട്ടുകളാണെന്ന് സ്ഥിരീകരിച്ചതിനെ തുടര്ന്ന് റിമാന്ഡ് ചെയ്തു. രാജസ്ഥാന് ജലൂര് ജില്ലക്കാരനായ ബന്വര്ലാല് (പവന്ലാല് 32) ആണ് റിമാന്ഡിലായത്. ഇയാളുടെ കൈവശമുണ്ടായിരുന്ന 500 രൂപയുടെ 14 നോട്ടുകള് കള്ളനോട്ടുകളാണെന്ന് ആലുവ എസ്ബിഐ ശാഖയില് നടത്തിയ പരിശോധനയിലാണ് വ്യക്തമായി. എറണാകുളം ബ്രോഡ്വേയില് ഫാന്സി സാധനങ്ങള് വില്ക്കുന്നയാളാണ് ബന്വര്ലാല്. ബുധനാഴ്ച്ച രാത്രി ആലുവ ഗുഡ്ഷെഡ് റോഡില് ബിവറേജസ് ഔട്ട്ലെറ്റിന് സമീപത്ത് പരിസരവാസികളാണ് ഇയാളെ തടഞ്ഞുവെച്ചത്. സമീപത്തെ കടകളില് നിന്നും നിസാര വിലയുള്ള സാധനങ്ങള് വാങ്ങിയ ശേഷം 500 രൂപ നല്കുന്നത് കണ്ട് സംശയം തോന്നിയവര് പിന്തുടര്ന്നു. വീണ്ടും മറ്റൊരു കടയില് കയറി ഇവിടെയും 500ന്റെ നോട്ട് നല്കി. ഇതോടെയാണ് തടഞ്ഞുവച്ച് പോലീസിനെ അറിയിച്ചത്. കള്ളനോട്ടുമായി ബന്ധമുണ്ടെന്ന് സംശയിക്കുന്ന രണ്ട് പേര് പോലീസിന്റെ നിരീക്ഷണത്തിലാണ്. ഇവരെ ഉടന് പിടിയിലാകുമെന്ന് എസ്.ഐ പി.എ. ഫൈസല് പറഞ്ഞു.
കള്ളനോട്ടുമായി എത്തിയ രാജസ്ഥാന് സ്വദേശിയെ റിമാന്ഡ് ചെയ്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.