ചെങ്ങന്നൂര്: അപകടത്തില് തങ്ങളുടെ ഉറ്റവര് മരിച്ചു എന്ന യാഥാര്ത്ഥ്യം ഉള്ക്കൊള്ളാന് കഴിയാതെ പകച്ചു നില്ക്കുകയാണ് ഒരു ഗ്രാമം . ഉച്ചയോടെ മാധ്യമങ്ങളില് ചേര്ത്തലയില് വാഹനാപകടം ഉണ്ടായെന്നും മരിച്ചത് പാണ്ടനാട് സ്വദേശികളാണെന്നുമുള്ള വാര്ത്തവന്നതോടെ ആരാണെന്നുള്ള നടുക്കത്തിലായിരുന്നു നാട്ടുകാര്.
തുടര്ന്ന് അപകടത്തില് പെട്ടത് പി.സി.എബ്രഹാമിന്റെ ഉടമസ്ഥതയിലുള്ള കാറാണെന്നറിഞ്ഞതോടെ ഇവിടേക്ക് ജനങ്ങള് ഓടിയെത്തുകയും, തുടര്ന്ന് നടത്തിയ അന്വേഷണത്തിലാണ് അപകടത്തില്പ്പെട്ടവര് ആരൊക്കെയാണെന്നുള്ള വിവരം ലഭിച്ചത്. എന്നാല് മരിച്ചത് ആരൊക്കെയാണെന്നുള്ള വിവരം പലപ്പോഴും വ്യത്യസ്ഥമായാണ് ഇവര്ക്ക് ലഭിച്ചത്. വൈകിട്ടോടെയാണ് മരിച്ചത് അനീഷും, ഭാര്യ ബിബിനിയും, പി.സി.എബ്രഹാമുമാണെന്നുള്ള നിജസ്ഥിതി അറിഞ്ഞത്.
അനീഷിന്റെ വീട്ടിലേക്ക് എത്തുന്നവര്ക്ക് മുന്പില് പൊട്ടിക്കരഞ്ഞാണ് സമീപവാസികള് വിവരങ്ങള് നല്കിയത്. അവധിക്ക് നാട്ടിലെത്തുമ്പോഴെല്ലാം അനീഷ് സാമൂഹ്യപ്രവര്ത്തനങ്ങളില് പങ്കെടുത്തിരുന്നുവെന്നും, ആരുടെ ആവശ്യങ്ങള്ക്കും ഓടിയെത്തുമായിരുന്നുവെന്നും ഇവര് പറഞ്ഞു.
ഉറ്റ സുഹ്യത്തുക്കളായ അനീഷിനെയും, പി.സി.എബ്രഹാമിനെയും മരണത്തിന് പോലും വേര്പിരിക്കാന് കഴിഞ്ഞില്ല. കാര്ത്തികപള്ളിയില് ഫാന്സിസ്റ്റോര് നടത്തുന്ന പി.സി.എബ്രഹം അനീഷ് നാട്ടിലെത്തുമ്പോള് ഒപ്പമുണ്ടാകുമായിരുന്നു. കൂട്ടുകാരന് എത്തുന്നുവെന്ന വിവരമറിഞ്ഞ് സ്വന്തം കാറെടുത്ത് പുറപ്പെടുകയായിരുന്നു എബ്രഹാം. ഇരുകുടുംബങ്ങളിലേയും മരണവാര്ത്തയറിഞ്ഞതോടെ ഒരു ഗ്രാമം മുഴുവന് കണ്ണീര് ഒഴുക്കിയാണ്് ഇവിടേക്ക് എത്തിയത്.
