കായംകുളം: ഹിന്ദുസമുദായത്തിലെ പിന്നോക്കക്കാരെ പട്ടിണിയിലേക്ക് തള്ളിവിടുകയും ഭരണഘടന അനുശാസിക്കുന്ന അര്ഹമായ ആനുകൂല്യങ്ങള് നല്കാതെ ന്യൂനപക്ഷപ്രീണനമാണ് കേരളത്തില് ഇപ്പോള് ഇടതുവലതു കക്ഷികള് നടപ്പിലാക്കുന്നതെന്ന് യുവമോര്ച്ച സംസ്ഥാന പ്രസിഡന്റ് അഡ്വ.പി.സുധീര് പറഞ്ഞു.
ചെട്ടികുളങ്ങര ഗ്രാമപഞ്ചായത്തിന്റെ ദുര്ഭരണത്തിനും ജനവഞ്ചനയ്ക്കുമെതിരെ ബിജെപി ചെട്ടികുളങ്ങര പഞ്ചായത്ത് കമ്മിറ്റി നടത്തിയ ഏകദിന നിരാഹാര സത്യാഗ്രഹവും പ്രതിഷേധ പ്രകടനത്തിന്റേയും സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വരാന് പോകുന്ന തദ്ദേശ സ്വയംഭരണ സ്ഥാപനങ്ങളിലെ തെരഞ്ഞെടുപ്പ് ബിജെപിയുടേതായിരിക്കുമെന്നും ഇത് മനസിലാക്കിയ സിപിഎം നാട്ടില് അക്രമം അഴിച്ചുവിടുകയുമാണ്. നിയമമന്ത്രി തന്നെ അഴിമതി നടത്തി രസിക്കുകയാണ്. വിജിലന്സ് അന്വേഷണത്തില് കെ.എം. മാണി അഴിമതി നടത്തിയതായി വിജിലന്സ് കണ്ടെത്തിയിട്ടും ആഭ്യന്തര മന്ത്രിയോ പോലീസോ കേസെടുക്കാതെ മാറിനില്ക്കുന്നത് അഴിമതി തുടര്ന്നും നടത്താനാണെന്നും അദ്ദേഹം കൂട്ടിചേര്ത്തു.
യോഗത്തില് ഈരേഴ സര്വ്വീസ് സഹകരണ ബാങ്കിലെ സെക്രട്ടറിയായിരുന്ന ഗോപീകൃഷ്ണന്റെ ദുരൂഹ മരണത്തെക്കുറിച്ച് കേന്ദ്ര ഏജന്സിയെക്കൊണ്ട് അന്വേഷിപ്പിക്കണമെന്നാവശ്യപ്പെട്ട് ആദ്ദേഹത്തിന്റെ ഭാര്യ ജയലക്ഷമി കുഞ്ഞമ്മ ടീച്ചര് യുവമോര്ച്ച സംസ്ഥാന പ്രസിഡന്റ് നിവേദനം നല്കി. ബിജെപി പഞ്ചായത്ത് കമ്മിറ്റി പ്രസിഡന്റ് കെ.രാജേഷ് ഉണ്ണച്ചേത്ത് അദ്ധ്യക്ഷത വഹിച്ചു.
ഡി.അശ്വനിദേവ്, പാലമുറ്റത്ത് വിജയകുമാര്, കെ.ജയചന്ദ്രന്പിള്ള, രമേശന് കൊച്ചുമുറി, സി.ദേവാനന്ദ്, പുളിയറ വേണുഗോപാല്, ബി.ഹരികുമാര്, ജെ.അനില്കുമാര്, അഡ്വ.ഹേമചന്ദ്രന്, ലതാശേഖര്, രാമചന്ദ്രന്, പി.രാജേഷ്, ജി.അംബുജന് എന്നിവര് പ്രസംഗിച്ചു.
