തകഴി: ആലപ്പുഴ കുടിവെള്ള പദ്ധതിക്ക് പൈപ്പ് ഇടുന്നതിനായി പൊളിച്ച റോഡിന്റെ അറ്റകുറ്റപ്പണികള് പൂര്ത്തിയാക്കിയശേഷം മാത്രമേ വീണ്ടും റോഡു കുഴിക്കാന് അനുവദിക്കൂവെന്ന് ജില്ലാ കളക്ടര് എന്. പത്മകുമാര് പറഞ്ഞു. തകഴി ഗ്രാമപഞ്ചായത്ത് ഹാളില് നടന്ന സര്വ്വകക്ഷിയോഗത്തിലാണ് കളക്ടര് ഉദ്യോഗസ്ഥര്ക്ക് നിര്ദ്ദേശം നല്കിയത്. പദ്ധതിയുടെയും റോഡിന്റെ അറ്റകുറ്റപ്പണിയുടെയും പുരോഗതി വിലയിരുത്താന് മോണിറ്ററിങ് കമ്മറ്റി രൂപീകരിക്കും. ആഴ്ചയിലൊരിക്കല് കൂടുന്ന ഈ കമ്മറ്റിയുടെ യോഗത്തില് കളക്ടറും പങ്കെടുക്കും. പൊട്ടിക്കിടക്കുന്ന എല്ലാ പൈപ്പുലൈനുകളും ഒരാഴ്ചയ്ക്കുള്ളില് നന്നാക്കി നല്കണമെന്നും കളക്ടര് നിര്ദ്ദേശിച്ചു. യോഗത്തില് പങ്കെടുത്ത പിഡബ്ള്യൂഡി, വാട്ടര് അതോറിട്ടി ഉദ്യോഗസ്ഥര്ക്കെതിരെ കളക്ടര് ഉള്പ്പെടെയുള്ളവര് രൂക്ഷ വിമര്ശനമാണുയര്ത്തിയത്. പദ്ധതി നടത്തിപ്പിലെ അഴിമതിയെക്കുറിച്ച് അന്വേഷിക്കണമെന്നും യോഗത്തില് ആവശ്യമുയര്ന്നു. പിഡബ്ല്യൂഡി സൂപ്രണ്ടിങ് എഞ്ചിനീയര് ദിവാകരന്, തകഴി പഞ്ചായത്ത് പ്രസിഡന്റ് ഇ.ആര്. രാധാകൃഷ്ണപിള്ള, ഗ്രാമപഞ്ചായത്തംഗങ്ങള്, വിവിധ രാഷ്ട്രീയ പാര്ട്ടി പ്രതിനിധികള്, പിഡബ്ല്യൂഡി എക്സിക്യൂട്ടീവ് എഞ്ചിനീയര് ദീപ്തി ഭാനു, വാട്ടര് അതോറിട്ടി എഇ ഉഷാകുമാരി തുടങ്ങിയവര് പങ്കെടുത്തു.
റോഡിന്റെ അറ്റകുറ്റപ്പണിക്ക് മോണിറ്ററിങ് കമ്മറ്റി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.