ഹരിപ്പാട്: വീട്ടമ്മയെ കൊലപ്പെടുത്തി സ്വര്ണാഭരണവും പണവും കവര്ന്നു. നങ്ങ്യാര്കുളങ്ങര ഭാരതിയില് സുരന്റെ ഭാര്യ ജലജാസുര(47)നാണ് കൊല്ലപ്പെട്ടത്. വ്യാഴാഴ്ച ഉച്ചയ്ക്കു ശേഷമാണ് കൊലപാതകം നടന്നതെന്ന് കരുതുന്നു. ഉച്ചയ്ക്ക് 12ന് ജലജ അനുജത്തിയുമായി ഫോണില് സംസാരിച്ചിരുന്നു. ഉച്ചയ്ക്ക് രണ്ടോടെ വീട്ടില് ബഹളം കേട്ടതായും പറയപ്പെടുന്നു. ജലജയുടെ ഭര്ത്താവ് സുരന് ദുബായിയിലാണ് മക്കളായ അമ്മു, ആരോമല് എന്നിവര് ചെന്നൈയിലും. എന്ജിനീയറായി ജോലിനോക്കുന്ന അമ്മുവും എന്ജിനീയറിംഗ് പഠിക്കുന്ന ആരോമലും ഒന്നിച്ച് ജലജ ചെന്നൈയിലായിരുന്ന കഴിഞ്ഞിരുന്നത്. വ്യാഴാഴ്ച ചെന്നൈയില് നിന്നും മക്കള് അമ്മയെ വിളിച്ചിട്ട് ഫോണെടുക്കാതിരുന്നതിനെത്തുടര്ന്ന് ഇവരുടെ വീടിനടുത്തുള്ള സുഹൃത്തിനെ വിവരം രാത്രിയില് അറിയിക്കുകയും ഇയാള് വീട്ടിലെത്തി നോക്കിയപ്പോള് നിലത്ത് ജലജ മരിച്ചുകിടക്കുന്നതായാണ് കണ്ടത്. 19ന് കുടുംബസുഹൃത്തിന്റെ മകളുടെ വിവാഹത്തിന് പങ്കെടുക്കുന്നതിനായി കഴിഞ്ഞ 11ന് നാട്ടിലെത്തിയതായിരുന്നു ജലജ. 22ന് മടങ്ങാനിരിക്കുകയായിരുന്നു. വ്യാഴാഴ്ച ഉച്ചയ്ക്കുശേഷം കൊണ്ടുവന്ന പാല് വീടിന്റെ വരാന്തയിലുണ്ടായിരുന്നു. വീടിനുള്ളില് പിടിവലി നടന്നതിന്റെ ലക്ഷണങ്ങളുമുണ്ട്. എന്തൊക്കെ കവര്ച്ച ചെയ്യപ്പെട്ടിട്ടുണ്ടെന്ന് ചെന്നൈയില് നിന്നും മക്കളെത്തിയശേഷമേ അറിയാന് കഴിയൂ. വീട്ടിനുള്ളിലെ അലമാരയും തുറന്നുകിടക്കുകയായിരുന്നു.
കായംകുളം സിഐ ഉദയഭാനു കരീലക്കുളങ്ങര എസ്ഐ സത്യലാല് എന്നിവരുടെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചു.ആലപ്പുഴയില് നിന്നും ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധനകള് നടത്തി.
