ദുബായ് : മയക്കുമരുന്നുകേസില് കുവൈത്തില് അറസ്റ്റിലാകുന്ന ഭാരതീയരുടെയെണ്ണം പ്രതിവര്ഷം വര്ധിച്ചുവരുന്നതായി റിപ്പോര്ട്ട്. കുവൈത്ത് സര്ക്കാര് അടുത്തിടെ പുറത്തിറക്കിയ ഒൗദ്യോഗിക റിപ്പോര്ട്ടിലാണ് ഇതുസംബന്ധിച്ചുള്ള വിവരങ്ങള് പുറത്തുവന്നിട്ടുള്ളത്.
കുവൈത്ത് ജയിലില് കഴിയുന്ന ഭാരതീയരില് 60 ശതമാനം പേരും മയക്കുമരുന്നുകേസിലാണ് അറസ്റ്റിലായിട്ടുള്ളത്. നിലവില് എട്ടുലക്ഷം ഭാരതീയരാണ് കുവൈത്തിലുള്ളത്.
ഭാരതീയരായ പ്രതികളുടെ എണ്ണം വര്ധിച്ചതിനെ തുടര്ന്ന് മയക്കുമരുന്നുമായി ബന്ധപ്പെട്ടുള്ള കുവൈത്ത് നിയമങ്ങള് കര്ശ്ശനമായി പാലിക്കേണ്ടതാണെന്ന് ഭാരത എംബസി യാത്രക്കാര്ക്കായി നിര്ദ്ദേശം പുറത്തിറക്കിയിട്ടുണ്ട് കൂടാതെ ലഗേജുകള് എയര്പോര്ട്ടില് നിന്നും നിര്ബന്ധമായും സീല് ചെയ്തു മേടിക്കണം.
യാത്രക്കാര് മറ്റൊരാള്ക്കുവേണ്ടിയുള്ള പാഴ്സലുകള് ഒരു കാരണവാശാലും കൈപ്പറ്റരുത്. സൗഹൃദത്തിന്റെ പുറത്ത് ഇത്തരത്തിലുള്ള ഉപഹാരങ്ങള് കൈപ്പറ്റി പലപ്പോഴും ഭാരതീയര് കബളിപ്പിക്കപ്പെട്ടിട്ടുണ്ട്. ഇതിനെ തുടര്ന്നാണ് പാരിതോഷികങ്ങള് മറ്റുള്ളവര്ക്കായി കൊണ്ടുവരുന്നത് കഴിവതും ഒഴിവാക്കാന് എംബസി ആവശ്യപ്പെട്ടിരിക്കുന്നത്.
