ലണ്ടന്: ബ്രിട്ടീഷ് യുവാക്കള് വ്യാപകമായി ഭീകര സംഘടനയായ ഐഎസ്സില് ചേരുന്ന പശ്ചാത്തലത്തില് മുസ്ലിം ഭീകരതയെന്ന ‘വിഷ’ത്തെ നേരിടാന് ബ്രിട്ടീഷ് പ്രധാനമന്ത്രി ഡേവിഡ് കാമറൂണിന്റെ പദ്ധതിക്ക് വ്യാപകമായ പിന്തുണ. പ്രമുഖ ഇസ്ലാമിക സംഘടനകള് കാമറൂണിന്റെ കര്മ്മപദ്ധതിയെ പിന്തുണച്ചു. അഞ്ചുവര്ഷ കര്മ്മ പദ്ധതികള് പ്രഖ്യാപിച്ച് കാമറൂണ് പറഞ്ഞു, ”ഈ വിഷത്തെ തോല്പ്പിക്കാന് ഞാന് നിങ്ങള്ക്കൊപ്പമുണ്ടാകും.”
പദ്ധതികളില് പ്രമുഖം:
സ്വന്തം കുട്ടികള് അപകടവഴിയിലാണെന്നു തിരിച്ചറിഞ്ഞാല് അവരുടെ പാസ്പോര്ട്ടു റദ്ദാക്കാന് രക്ഷിതാക്കള്ക്ക് അവകാശം നല്കുന്നു.
വിദേശ ടെലിവിഷന് ചാനലുകളില് ഭീകരപ്രവര്ത്തന സന്ദേങ്ങള് ഉള്ക്കൊള്ളുന്ന പരിപാടികള് നിയന്ത്രിക്കും. -ഇന്റര്നെറ്റ് സേവന ദാതാക്കളോട് ഭീകരപ്രവര്ത്തനത്തെ പ്രോത്സാഹിപ്പിക്കുന്ന പ്രവര്ത്തനങ്ങള് തടയാനാവശ്യപ്പെടും.
പദ്ധതിക്കു സഹായകമായ പ്രവര്ത്തനങ്ങള് ചെയ്യുന വിദ്യാലയങ്ങള്ക്കു സഹായങ്ങളും പ്രോത്സാഹനവും നല്കും.
ജയിലുകളില് ഭീകരപ്രവര്ത്തനം തടയും. നിര്ബന്ധിത വിവാഹത്തിനു വിധേയരാകുന്നവരെ സംബന്ധിച്ച വിഷയങ്ങള് ആജീവനാന്തം രഹസ്യമായി സൂക്ഷിക്കും. -ഭീകരത എങ്ങനെ പടരുന്നുവെന്നു കണ്ടെത്താന് പ്രത്യേക പഠന സംവിധാനം ഉണ്ടാക്കും.
ബ്രിട്ടന്റെ സാംസ്കാരിക മൂല്യങ്ങള്, നിര്ബന്ധിത വിവാഹം തുടങ്ങിയവ മേഖലയില് കര്ക്കശമാക്കും.
എന്നാല് കാമറൂണിന്റെ പ്രഖ്യാപനങ്ങളേക്കാള് പ്രവൃത്തിയാണ് പ്രതീക്ഷിക്കുന്നതെന്ന് ചില പ്രതിപക്ഷ സംഘടനകള് പ്രതികരിച്ചു.
കര്മ്മ പദ്ധതിക്ക് പൊതുവെ സ്വാഗതം
ലണ്ടന്: കോമണ്സ് ആഭ്യന്തരകാര്യ സമിതി ചെയര്മാന് കീത്ത് വാസ് കാമറൂണിന്റെ നടപടിയെ അനുകൂലിച്ചു. കാമറൂണ് മുസ്ലിം സമൂഹവുമായി കൂടുതല് അടുത്തിടപഴകേണ്ടതുണ്ടെന്ന് വാസ് പറഞ്ഞു. മുസ്ലിങ്ങളില് ചിലര് എന്തുകൊണ്ട് സ്വന്തം സമുദായത്തില് നിന്നുതന്നെ അകന്ന് ഒറ്റപ്പെടുന്നുവെന്ന് ചിന്തിക്കണമെന്ന് അദ്ദേഹം പറഞ്ഞു.
ഭീകരത തടയാനുള്ള പദ്ധതിയില് കുട്ടികളുടെ പാസ്പോര്ട്ട് റദ്ദാക്കാനുള്ള അവകാശം ഉള്പ്പെടുത്തിയത് നല്ല നടപടിയാണെന്ന് ബിബിസി ആഭ്യന്തരകാര്യ വിശകലന റിപ്പോര്ട്ടര് ഡാനിയേല് സാന്ഡ്ഫോര്ഡ് പറഞ്ഞു.
അതേ സമയം പദ്ധതികള് മികച്ചതാണെങ്കിലും പത്തുവര്ഷം മുമ്പേ നടപ്പാക്കേണ്ടിയിരുന്നുവെന്ന് ചിലര് വിമര്ശിച്ചു.
ഈ പ്രഖ്യാപനങ്ങള് നല്ലതാണെങ്കിലും ഇവയില് വളരെ കുറച്ചെണ്ണമേ നടപ്പാക്കാനിടയുള്ളുവെന്ന് റമധാന് ഫൗണ്ടേഷന് ചീഫ് എക്സിക്യൂട്ടീവ് മൊഹമ്മദ് ഷെരീഫ് പറഞ്ഞു.
