ചിറ്റഗോംഗ്: ബംഗ്ലാദേശിനെതിരായ ആദ്യ ക്രിക്കറ്റ് ടെസ്റ്റിന്റെ ഒന്നാം ഇന്നിംഗ്സില് ദക്ഷിണാഫ്രിക്ക ചെറിയ സ്കോറിന് പുറത്ത്. 248 റണ്സാണ് ദക്ഷിണാഫ്രിക്ക ഒന്നാം ഇന്നിംഗ്സില് നേടിയത്. തുടര്ന്ന് ഒന്നാം ഇന്നിംഗ്സ് ആരംഭിച്ച ബംഗ്ലാദേശ് ആദ്യ ദിവസത്തെ കളി നിര്ത്തുമ്പോള് വിക്കറ്റ് നഷ്ടപ്പെടാതെ 7 റണ്സെടുത്തിട്ടുണ്ട്. ഒരു റണ്സുമായി തമിം ഇഖ്ബാലും അഞ്ച് റണ്സുമായി ഇംറുള് കെയ്സുമാണ് ക്രീസില്.
നേരത്തെ ടോസ് നേടി ബാറ്റിംഗ് തെരഞ്ഞെടുത്ത ദക്ഷിണാഫ്രിക്ക ഒരുഘട്ടത്തില് കൂറ്റന് സ്കോര് നേടുമെന്ന് തോന്നിച്ചെങ്കിലും അരങ്ങേറ്റക്കാരന് മുസ്താഫിസുര് റഹ്മാന്റെ തകര്പ്പന് ബൗളിംഗിന് മുന്നിലാണ് മുട്ടുമടക്കിയത്. ഒരുഘട്ടത്തില് ഒന്നിന് 136 എന്ന മികച്ച നിലയില് നിന്നാണ് 248 റണ്സിന് ഓള് ഔട്ടായത്. മുസ്താഫിസുര് റഹ്മാന് 17.4 ഓവറില് 37 റണ്സ് വഴങ്ങി പിഴുത നാല് വിക്കറ്റുകളാണ് ദക്ഷിണാഫ്രിക്കയെ തകര്ത്തത്. മൂന്ന് വിക്കറ്റ് വീഴ്ത്തിയ ജുബെയ്ര് ഹൊസൈനും മുസ്താഫിസുര് റഹ്മാന് മികച്ച പിന്തുണ നല്കി.
ബാറ്റിംഗ് ആരംഭിച്ച എല്ഗാറും (47), വാന് സിലും (34) ചേര്ന്ന് ഒന്നാം വിക്കറ്റില് 58 റണ്സ് കൂട്ടിച്ചേര്ത്തു. വാന് സിലിനെ ലിറ്റണ് ദാസിന്റെ കൈകളിലെത്തിച്ച് മഹ്മദുള്ളയാണ് ബംഗ്ലാദേശിന് ആദ്യ ബ്രേക്ക് ത്രൂ നല്കിയത്. പിന്നീട് എല്ഗാറും ഡുപ്ലെസിസും ചേര്ന്ന് സ്കോര് 136-ല് എത്തിച്ചെങ്കിലും അര്ദ്ധസെഞ്ചുറിക്ക് മൂന്ന് റണ്സ് അകലെവച്ച് തെയ്ജുല് ഇസ്ലാം എല്ഗാറെ ലിറ്റണ് ദാസിന്റെ കൈകളിലെത്തിച്ചു. ഇതേ സ്കോറില് തന്നെ മുന്നാം വിക്കറ്റും ദക്ഷിണാഫ്രിക്കക്ക് നഷ്ടമായി.
48 റണ്സെടുത്ത ഡു പ്ലെസിസിനെ ഷാക്കിബ് അല് ഹസ്സന് വിക്കറ്റിന് മുന്നില് കുടുക്കി. തുടര്ന്ന് ഹാഷിം ആംലയും ബാവുമയും (54) ചേര്ന്ന് സ്കോര് 173-ല് എത്തിച്ചെങ്കിലും 13 റണ്സെടുത്ത ആംലയെ ലിറ്റണ് ദാസിന്റെ കൈകളിലെത്തിച്ച് മുസ്താഫിസുര് റഹ്മാന് തന്റെ ആദ്യ ടെസ്റ്റ് വിക്കറ്റ് സ്വന്തമാക്കി. തൊട്ടടുത്ത പന്തില് ഡുമ്നിയെയും ഒരു പന്തിന്റെ ഇടവേളക്കുശേഷം ഡികോക്കിനെയും മുസ്താഫിസുര് മടക്കിയതോടെ ദക്ഷിണാഫ്രിക്ക 6ന് 173 എന്ന നിലയിലേക്ക് തകര്ന്നു. പിന്നീട് ജുബെയ്ര് ഹൊസൈന്റെ ഉൗഴമായിരുന്നു.
പിന്നീടെത്തിയവരില് 24 റണ്സെടുത്ത ഫിലാന്ഡര് മാത്രമാണ് ഭേദപ്പെട്ട ബാറ്റിംഗ് കാഴ്ചവെച്ചത്. പത്താമനായി ദക്ഷിണാഫ്രിക്കന് ഇന്നിംഗ്സിലെ ടോപ്സ്കോറര് ബാവുമയെയും മുസ്താഫിസുര് റഹ്മാന് മടക്കിയതോടെ ദക്ഷിണാഫ്രിക്കന് ഇന്നിംഗ്സ് 248-ല അവസാനിച്ചു.
