ഹരാരെ: ഇന്ത്യയും സിംബാബ്വെയും തമ്മില് നടന്ന രണ്ടാം ഏകദിനത്തില് ഇന്ത്യക്ക് 62 റണ്സിന്റെ വിജയം. ഇതോടെ മൂന്നു മത്സരങ്ങളുള്ള പരമ്പര ഇന്ത്യ സ്വന്തമാക്കി. വിജയലക്ഷ്യമായ 272 റണ്സ് പിന്തുടര്ന്ന സിംബാബ്വെ 209 റണ്സ് നേടുന്നതിനിടെ എല്ലാവരും പുറത്തായി. ഇന്ത്യക്കുവേണ്ടി ഭുവനേശ്വര് കുമാര് നാലു വിക്കറ്റ് നേടി.
നേരത്തെ, ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ ഓപ്പണര്മാരുടെ കരുത്തിലാണു മാന്യമായ സ്കോര് ഇന്ത്യ കണ്ടെത്തിയത്. ക്യാപ്റ്റന് അജിങ്ക്യ രഹാനെയും (63) മുരളിവിജയ്യും (72) നേടിയ അര്ധ സെഞ്ചുറികളാണ് ഇന്ത്യന് സ്കോറിനു മാന്യത നല്കിയത്. ഇരുവരും ആദ്യവിക്കറ്റില് 112 റണ്സ് കൂട്ടിച്ചേര്ത്തു. മൂന്നാമനായെത്തിയ അമ്പാട്ടി റായിഡുവും (41) മികച്ചരീതിയില് ബാറ്റ് ചെയ്തു.
