ബെയ്റൂട്ട്:ഭീകരസംഘടനയായ ഇസ്ലാമിക് സ്റ്റേറ്റ് സിറിയയുടെ ഹസാകയിലെ പവര്പ്ലാന്റിനുനേരേയും ആക്രമണം നടത്തി. ചാവേറുകളും മാരകായുധങ്ങളുമായി ട്രക്കിലെത്തിയായിരുന്നു ആക്രമണം.
രാജ്യത്തിന്റെ തെക്കന് ജില്ലകളിലേക്ക് വൈദ്യുതി വിതരണം നടത്തുന്നത് ഹസാക പവര്പ്ലാന്റില് നിന്നാണ്. അതേസമയം, ഇത് ഐഎസിന്റെ രണ്ടാമത്തെ ആക്രമണമാണെന്ന് സിറിയല് ആര്മി സ്വകാര്യ ചാനലിനനുവദിച്ച അഭിമുഖത്തില് അറിയിച്ചു.അതിനാല് ഐഎസില് ഭീകരരോട് ചെറുത്തു നിന്നതായും സിറിയന് വൃത്തങ്ങള് പറഞ്ഞു.
ഐഎസിന്റെ ആദ്യ ആക്രമണത്തില് പവര്പ്ലാന്റിലെ ജീവനക്കാര്ക്ക് പരിക്കേല്ക്കുകയും യന്ത്രങ്ങള്ക്ക് കേടുപാടുകള് സംഭവിക്കുകയും ചെയ്തിരുന്നു. രാജ്യത്തെ ഉര്ജ്ജ വിതരണം തകരാറിലാക്കാനായിരുന്നു ഇസ്ലാമിക് സ്റ്റേറ്റിന്റെ ലക്ഷ്യം. സിറയുടെ വടക്കുകിഴക്കന് പ്രദേശങ്ങള് ഇറാഖ്, സിറിയ കേന്ദ്രീകരിച്ച് പ്രവര്ത്തിച്ചുവരുന്ന ഇസ്ലാമിക് സ്റ്റേറ്റിന്റെ നിയന്ത്രണത്തിലാണ്.
അതുകൊണ്ടുതന്നെ ഹസാകയ്ക്ക് സിറിയന് സൈന്യവും ഒട്ടേറെ പ്രാധാന്യവും നല്കുന്നുണ്ട്.
പ്രസിഡന്റ് അല് ആസാദും കുര്ദ്ദിഷ് ഭരണാധികാരികളും പല മേഖലകളാക്കി തിരിച്ചാണ് സിറിയയില് ഭരണം നടത്തുന്നത്്. ഐഎസില് നിന്നുള്ള ആക്രമണങ്ങള് ചെറുക്കുന്നതിനായാണ് പല വിഭാഗങ്ങളാക്കി തിരിച്ചിരിക്കുന്നത്. അതേസമയം നിയന്ത്രണാതിര്ത്തി ദീര്ഘിപ്പിക്കണമെന്ന് സിറിയന് കുര്ദ്ദുകള് ആവശ്യപ്പെടുന്നുണ്ട്. കോബാനി, ക്വാമിഷിലി എന്നിവിടങ്ങളിലേക്ക് അതിര്ത്തി ദീര്ഘിപ്പിക്കണമെന്നാണ് ഇവരുടെ ആവശ്യം.
