ഞാന് ദൈവത്തെപ്പറ്റി സംസാരിക്കുന്നുവെന്ന് വിചാരിക്കുക. നിങ്ങള്ക്ക് എന്റെ ദൈവത്തില് വിശ്വസിക്കുകയോ അവിശ്വസിക്കുകയോ ചെയ്യേണ്ടിവരും. അത് നിങ്ങളെ വളര്ച്ചയിലേക്കല്ല, ഭാവനയുടെ ചിറകുകളിലേക്കു മാത്രമേ എത്തിക്കുകയുള്ളൂ. അതുകൊണ്ട് ഞാന് ഇപ്പോള് ശരീരത്തെക്കുറിച്ചു സംസാരിക്കുന്നു. അത് നിങ്ങള്ക്ക് അറിവുള്ള ഒന്നാണ്. ഒരു ശരീരമുണ്ട് എന്ന് നിങ്ങള്ക്കറിയാം. ഇപ്പോള് ആ ശരീരത്തെ പരേമാച്ചാവസ്ഥയില് എത്തിക്കുക. പിന്നെ ഞാന് മനസ്സിനെക്കുറിച്ചു സംസാരിക്കുന്നു. അതും നിങ്ങള്ക്കറിവുള്ള ഒന്നാണ്. അതിനെ പരമോച്ചാവസ്ഥയിലെത്തിച്ചിട്ട് അടുത്ത ചുവട്.
അടുത്ത ചുവടു വച്ച്. അടുത്ത ചുവടുവച്ച്, അടുത്ത ചുവട് വച്ച് മാത്രമേ ഇപ്പോള് നില്ക്കുന്നിടത്ത് നിങ്ങള്ക്ക് വളരുവാന് കഴിയുകയുള്ളൂ. നിങ്ങള്ക്കറിയാത്ത കാര്യങ്ങളെക്കുറിച്ചാണ് പറയുന്നതെങ്കില് നിങ്ങള് ഭാവനയിലേക്കു മാത്രമേ പോവുകയുള്ളൂ. ഭാവനയാവട്ടെ, കാടുകയറുകയും ചെയ്യും. ഇന്ന് മതത്തിന്റെ പേരില് ബാക്കിയുള്ളത് കുറെയേറെ കഥകള് മാത്രമാണ്. അല്ലേ? അനേകം കഥകള് ഒരു കഥയ്ക്കുള്ളില് മറ്റൊരു കഥ. തുടക്കമെവിടെ, ഒടുക്കമെവിടെ എന്ന് അറിയുകയുമില്ല.
യോഗ ഇപ്രകാരമാണ് ആരംഭിക്കുക, ശരീരം, പിന്നീട് ശ്വാസം, പിന്നീട് മനസ്സ്, ഭൗതികശാസ്ത്രത്തെപ്പോലെതന്നെ യോഗശാസ്ത്രവും നാമിപ്പോള് രൂപപ്പെടുത്തിക്കഴിഞ്ഞിട്ടുണ്ട്. രണ്ട് ഭാഗം ഹൈഡ്രജനെയും ഒരുഭാഗം ഓക്സിജനെയും യോജിപ്പിച്ചു എന്നു വിചാരിക്കുക. നിങ്ങള്ക്ക് ജലം ലഭിക്കും.
