നിങ്ങളുടെ മതപരമായ ജീവിതത്തിന്റെ ആദര്ശ ഘടകങ്ങള് ധര്മ്മപരായണത, കത്തവ്യനിരതത്വം ഈശ്വരഭക്തി ഇവയാണ്. ധര്മ്മാധിഷ്ഠിതമായ കര്ത്തവ്യാനുഷ്ഠാനത്തില് ശ്രദ്ധയും പ്രേമവും പ്രസാദാത്മകമായ മനോഭാവവും യഥാര്ത്ഥബോധവും ഉണ്ടായിരിക്കണം.
കര്ത്തവ്യാനുഷ്ഠാനം യോഗസാധനയായി തീരുമ്പോള് എപ്പോഴും ആദ്ധ്യാത്മിക ചൈതന്യം നിറഞ്ഞ അന്തരീക്ഷത്തില് കഴിയുന്ന അനുഭവം നിങ്ങള്ക്ക് ലഭിക്കും. അപ്പോള് ആദ്ധ്യാത്മികമായും സാന്മാര്ഗ്ഗികവുമായ ശക്തികള് ഉണരും. പഠനംകൊണ്ടുമാത്രം സ്വായത്തമാക്കാവുന്ന ഒന്നല്ല വേദാന്തസത്യം. നിങ്ങളുടെ മനസ്സിനെ സുശക്തമാക്കുന്നതും ആദ്ധ്യാത്മികാനുഭൂതിയുടെ മേഖലയിലെത്തിക്കുന്നതും സാധനാനുഷ്ഠാനവും ആചരണശുദ്ധിയുമാണ്.
ഒരു വിനോദഭാവത്തില് എല്ലാവരെയും പൊട്ടിച്ചിരിപ്പിക്കുമാറ് ആനന്ദമൂര്ത്തിയായ അമ്മ പറഞ്ഞു:-ഒരു ശിശുവിനു ഹല്വാ ദഹിക്കുകയില്ല. അതുകൊണ്ട് കുഞ്ഞിന്റെ അമ്മ കട്ടിയുള്ള മധുരപലഹാരങ്ങള് അതിനു കൊടുക്കുകയില്ല. പാണ്ഡിത്യവും ബുദ്ധിവൈഭവവും ആദരവിന് അര്ഹമാക്കുമെന്നുള്ളതില് സംശയമില്ല. പക്ഷേ, അവ ഈശ്വരോന്മുഖമാക്കിയില്ലെങ്കില് അമ്മയ്ക്ക് യഥാര്ത്ഥമായ ആദ്ധ്യാത്മികമൂല്യം ഇല്ലാതാവും. അവയെ വിനയം അകമ്പടി സേവിക്കുന്നില്ലെങ്കില് അവ നിങ്ങളെ ഈശ്വരസമക്ഷത്തിലേക്ക് നയിക്കുകയില്ല.
ഇഹത്തിലും പരത്തിലും സുഖം പകരാന് ഈശ്വരനുമാത്രമേ കഴിയുകയുള്ളൂ.
ജനനമരണ ചക്രമായ സംസാരമാണ് ഭയത്തിന്റെ സങ്കേതം. ജീവന് സംസാരത്തില് കുടുങ്ങിക്കിടക്കുന്നു. പക്ഷേ ഭയത്താല് പരിവ്രീഡനാണ് താനെന്ന കാര്യം ജീവന് അറിയുന്നില്ല. ഇതാണ് തമസ്സ്.
പലപ്പോഴും താമസികാവസ്ഥയെ സാത്വികാവസ്ഥയായി തെറ്റിദ്ധരിക്കാറുണ്ട്. താമസികമായ മൗഢ്യത്തിന്റെ മൂര്ദ്ധന്യദശയില് ഭയം അറിയുകയില്ല. മനസ്സിനു തളര്ച്ചയോ കോപമോ ഉണ്ടാവുകയില്ല.
ശ്രീ രമാദേവി
