കൊച്ചി: ഈസ്റ്റര്, വിഷു പ്രമാണിച്ച് പൊതുവിപണിയില് ഉണ്ടാകാവുന്ന വിലക്കയറ്റവും കരിഞ്ചന്തയും നിയന്ത്രിക്കുന്നതിനും അവശ്യവസ്തുക്കള് ലഭ്യമാകുന്നുവെന്നുറപ്പാക്കാനുമായി ജില്ല സപ്ലൈ ഓഫീസറുടെയും താലൂക്ക് സപ്ലൈ ഓഫീസര്മാരുടെയും നേതൃത്വത്തില് ജില്ലയില് പൊതുവിപണിയില് വ്യാപകമായ മിന്നല് പരിശോധന നടത്തി.
ഭക്ഷ്യമന്ത്രി അനൂപ് ജേക്കബിന്റെ നിര്ദേശപ്രകാരം നടത്തിയ പരിശോധന വിഷു ദിനം വരെ നീളും. ഇന്നലെ 234 വില്പ്പനകേന്ദ്രങ്ങളില് നടത്തിയ പരിശോധനയില് 69 കേന്ദ്രത്തില് ക്രമക്കേട് കണ്ടെത്തി. 126 പലചരക്ക് കടയില് 39 എണ്ണത്തിലും 89 പച്ചക്കറി കടയില് 18 എണ്ണത്തിലും 19 ഹോട്ടലുകളില് നാലെണ്ണത്തിലുമാണ് ക്രമക്കേട് കണ്ടെത്തിയത്.
ജില്ലയില് നിലവില് അരി, പലചരക്ക്, പച്ചക്കറി എന്നിവ സുലഭമാണ്. പ്രത്യേക വിലവര്ധന ഉണ്ടായിട്ടില്ല. ലോറിസമരം ചരക്കുനീക്കത്തെ ബാധിച്ചിട്ടില്ല. കൂടാതെ എല്.പി.ജി. വിതരണവും തടസമില്ലാതെ തുടരുന്നതായി ജില്ല സപ്ലൈ ഓഫീസര് അസീസ് അറിയിച്ചു.
