ചിത്രാംബരാ ചിത്രരൂപാ ചിന്തിതാര്ത്ഥപ്രദായിനീ
ചിന്താമണിരചിന്ത്യാ ച ചിത്രാദേവീ സമാശ്രിതാ
399. ചിത്രാംബരാ – പല വര്ണ്ണങ്ങളും അലങ്കാരങ്ങളുമുള്ള മനോഹരമായ വസ്ത്രങ്ങള് അണിഞ്ഞവള്.
ദേവിയുടെ ശരീരകാന്തികൊണ്ട് ശോഭിക്കുന്ന ആകാശത്തോടുകൂടിയവള്. അളക്കാനും അറിയാനും ആകാത്തതും രൂപഗണങ്ങളില്ലാത്തതും അനാദ്യന്തവുമായ ആകാശം രൂപമായവള്.
400. ചിത്രരൂപാ – ചിത്രമായ രൂപങ്ങളുള്ളവള്. ദേവിക്കു രൂപങ്ങളില്ല എന്നത് സത്യമാണ്. ഈ ലോകത്തിലുള്ള എല്ലാ വസ്തുക്കളും ജീവികളും ആകാശം, അഗ്നി, ജലം, തുടങ്ങിയ ഭൂതങ്ങളും ദേവിയുടെ രൂപങ്ങളാണ് എന്നതു മറ്റൊരു സത്യം. രണ്ടായാലും ദേവിയുടെ രൂപം വിചിത്രമാണ്. അതിനാല് ചിത്രരൂപാ എന്നു നാമം.
401. ചിന്തിതാര്ത്ഥപ്രദായിനീ – ഭക്തര് ആഗ്രഹിക്കുന്നവയെല്ലാം പ്രദാനം ചെയ്യുന്നവള്. ദേവീഭക്തന്റെ മനസ്സില് ധര്മ്മവിരുദ്ധമായ ആഗ്രഹങ്ങള് ഉണ്ടാകുകയില്ല. ഉണ്ടാകുന്ന ധര്മമവിരുദ്ധമല്ലാത്ത എല്ലാ ആഗ്രഹങ്ങളും ദേവി കൊടുത്തനുഗ്രഹിക്കും.
402. ചിന്താമണി – ആഗ്രഹിക്കുന്നതെല്ലാം കൊടുക്കുന്ന ദിവ്യരത്നം. കല്പവൃക്ഷംപോലെയുള്ള ഒരു സങ്കല്പമാണു ചിന്താമണി. ആ രത്നത്തോട് എന്താവശ്യപ്പെട്ടാലും ഉടനെ കിട്ടും. മൂകാംബികയെ ചിന്തിതാര്ത്ഥപ്രദായിനിയായി മുന്നാമം സ്തുതിച്ചു ആ ആശയംതന്നെയാണ് ഈ നാമവും വ്യക്തമാക്കുന്നത്.
… തുടരും
