ലാഹോര്: തന്റെ സര്ക്കാരിന്റെ നല്ലൊരുപങ്കു സമയവും ഭീകരപ്രവര്ത്തനം തടയാനുള്ള നടപടികളമായി പാഴായിപ്പോകുകയാണെന്ന് പാക് പ്രധാനമന്ത്രി നവാസ് ഷെരീഫ്. അതിനാല് വികസനപ്രവര്ത്തനങ്ങള്ക്ക് അല്പ്പം പോലും സമയമില്ല.സിയാല് കോട്ടില് ബിസിനസുകാരുടെ സമ്മേളനത്തില് പ്രസംഗിക്കുകയായിരുന്നു അദ്ദേഹം.
ഭീകരപ്രവര്ത്തനം തുടച്ചുനീക്കും. ഭീകരര്ക്ക് എതിരായ സൈനിക നടപടി വടക്കന് വസീറിസ്ഥാനില് ജൂണിലാരംഭിച്ചതാണ്. അവസാന ഭീകരനെയും കൊല്ലുംവരെ അത് തുടരും. അദ്ദേഹം പറഞ്ഞു. ഭീകരരുടെ നട്ടെല്ല് തകര്ത്ത പാക് സൈന്യത്തെ അദ്ദേഹം പ്രശംസിച്ചു.
ഒന്നു രണ്ടു കൊല്ലത്തിനുള്ളില് രാജ്യത്തെ ഊര്ജ്ജപ്രശ്നം പരിഹരിക്കും. ഗ്യാസും കറന്റും ഇല്ലാതെ ഒരു രാജ്യത്തിനും പുരോഗതി കൈവരിക്കാന് കഴിയില്ല.ഭീകരപ്രവര്ത്തനം തടയാനും ഊര്ജ്ജ പ്രതിസന്ധി തരണം ചെയ്യാനുമുള്ള നടപടികള് തന്റെ സര്ക്കാര് കൈക്കൊണ്ടുവരികയാണ്.അദ്ദേഹം പറഞ്ഞു.രാജ്യം ഭരിച്ച സൈനികമേധാവികളാണ് രാജ്യത്തിന്റെ പുരോഗതി തകര്ത്തത്.നവാസ് ഷെരീഫ് തുടര്ന്നു.
