വാഷിങ്ടണ്:നരേന്ദ്ര മോദിയുടെ നേതൃത്വത്തിലെ പുതിയ ഭാരത ഭരണകൂടം ഇരുരാജ്യങ്ങളും തമ്മിലെ ഉഭയകക്ഷി ബന്ധത്തെ ഊര്ജ്ജസ്വലമാക്കിയെന്ന് അമേരിക്ക.
പോയവര്ഷം പുതിയ നേതൃത്വത്തെ അധികാരമേല്പ്പിച്ച ഭാരതം ചരിത്രത്തിലെ ഏറ്റവും വലിയ തെരഞ്ഞെടുപ്പാണ് നടത്തിയത്.
അതിലൂടെ ഭാരത-അമേരിക്ക ബന്ധം കൂടുതല് ഊര്ജ്ജസ്വലമായി, പസഫിക് കമ്മാന്ഡിന്റെ യുഎസ് നേവി കമാന്ഡര് അഡ്മിറല് സാമുവല് ജെ. ലോക്ലിയര് പറഞ്ഞു.
അമേരിക്കന് സൈന്യവും ഭാരതസേനയും നിരന്തരം ബന്ധം പുലര്ത്തുന്നു. കഴിഞ്ഞ അഞ്ചു വര്ഷത്തിനിടെ 69 പ്രധാന സംയുക്ത സൈനിക അഭ്യാസങ്ങള് സംഘടിക്കപ്പെട്ടു.
സൈന്യത്തിന്റെ ആധുനികവത്കരണം,പ്രതിരോധ വ്യാപാരത്തിന്റെ ശക്തിപ്പെടുത്തല് എന്നിവയിലൂടെ മേഖലയില് തങ്ങളുടെ പ്രധാന്യം ഭാരതം തിരിച്ചറിയുന്നു. സാമ്പത്തിക പ്രവര്ത്തനങ്ങളില് ഏറെ സ്വാധീനം ചെലുത്തുന്ന സമുദ്ര മേഖകളിലെ സ്വതന്ത്ര്യമായ സഞ്ചാരവും മറ്റു പൊതുതാത്പര്യങ്ങളും സംരക്ഷിക്കുന്നതിനുള്ള ഭാരതത്തിന്റെ പ്രതിജ്ഞാബദ്ധതയാണ് ഇതു വെളിവാക്കുന്നതെന്നും യുഎസ് കോണ്ഗ്രസ് സബ് കമ്മിറ്റിക്കു മുന്നില് ലോക്ലിയര് വ്യക്തമാക്കി. ദക്ഷിണ ചൈനാ കടലിലെ ചൈനീസ് അധിനിവേശ ത്വരയെപ്പറ്റിയും അദ്ദേഹം വിശദീകരിച്ചു.
