328. ഗൗഡൗദനപ്രീതചിത്താ: – ശര്ക്കര ചേര്ത്തു പാകപ്പെടുത്തിയ ചോറ് ഇഷ്ടപ്പെടുന്നവള്. (ഗുഡം- ശര്ക്കര; ഓദനം- ചോറ്,ഗൗഡൗദനം- ശര്ക്കരയും അരിയും ചേര്ത്ത് പാകപ്പെടുത്തിയ പായസം)
.
329. സര്വദുഃഖനിവാരിണീ: എല്ലാ ദുഃഖങ്ങളും ഒഴിവാക്കുന്നവള്.
330. ഉഗ്രകര്മാ: ഉഗ്രങ്ങളായ ഭാവം ഉള്ളവള്.
331. ഉഗ്രഭാവാ: ഉഗ്രമായ ഭാവം ഉള്ളവള്.
332. ലാകിനീ: ലാകിനി എന്ന ദേവിയായി രൂപം പൂണ്ടവള്.
333. ജഗദീശ്വരീ: ജഗത്തിന് ഈശ്വരിയായവള്.
പത്തു ദളങ്ങളുള്ള മണിപൂരം എന്ന ആധാര പദ്മത്തില് രക്തവര്ണ്ണയും ത്രിവദനയും ദംഷ്ടകൊണ്ടു ശോഭിക്കുന്ന മുഖമുള്ളവളും ദണ്ഡം, ശക്തി, വജ്രം, അഭയമുദ്ര എന്നിവകൊണ്ടു ശോഭിക്കുന്ന നാലു കൈകളുള്ളവളും ഡാമരി തുടങ്ങിയ പരിവാര ദേവിമാരാല് സേവിക്കപ്പെടുന്നവളും പിണ്ഡാണ്ഡത്തിലെ മാംസധാതുവിനെ സംരക്ഷിക്കുന്നവളും ഗൗഡൗദനം ഇഷ്ടപ്പെടുന്നവളും ഉഗ്രമായ കര്മ്മവും ഭാവവും ഉള്ളവളുമായി ജഗദീശ്വരിയായ മൂകാംബിക ലാകിനീരൂപത്തില് വിരാജിക്കുന്നു. ലാകിനീധ്യാനം:-
”ദിക്പത്രേ നാദിപദ്മേ ത്രിവദനവിലസദ് ദംഷ്ട്രിണീം രക്തവര്ണാം
ശക്തിം ദംഭോളി ദണ്ഡാവഭയമപി ഭൂജൈര്ധാരയന്തീം മഹോഗ്രാം
ഡാമര്യാദൈ്യഃ പരീതാം പശുജനഭയദാം മാംസധാതേ്വകനിഷ്ഠാം
ഗൗഡാന്നാസക്തചിത്താം സകലസുഖകരീം ലാകിനീം ഭാവയാമഃ”
… തുടരും
പ്രതികരിക്കാൻ ഇവിടെ എഴുതുക: