വാഷിങ്ടണ്: പാക്കിസ്ഥാന്റെ ആണവായുധങ്ങള് ശേഖരത്തില് ഇന്ത്യയെക്കാള് ആണവായുധങ്ങള് കൂടുതലുണ്ടെന്ന് റിപ്പോര്ട്ട്. നിലവില് പാക്കിസ്ഥാന്റെ കൈയ്യില് 120 ആണവായുധങ്ങള് ഉണ്ട്.
ഇന്ത്യയുടെ പക്കല് 110 എണ്ണമാണുള്ളതെന്നും യുഎസില് നിന്നു പുറത്തിറക്കുന്ന ബുള്ളറ്റിന് ഓഫ് ദ അറ്റോമിക് സയന്റിസ്റ്റ് ഓണ്ലൈന് മാധ്യമത്തില് റിപ്പോര്ട്ട് ചെയ്യുന്നു.
ലോകത്താകമാനമുള്ള രാജ്യങ്ങളുടെ കൈവശമുള്ള ആണവായുധങ്ങളെ സംബന്ധിച്ച ആധികാരികരേഖയായാണ് ബുള്ളറ്റിന് പരിഗണിക്കപ്പെടുന്നത്.
ഒന്പതു രാജ്യങ്ങളിലെ ആണവായുധങ്ങള് ശേഖരത്തെക്കുറിച്ചുള്ള താരതമ്യ പഠനവും ആണവായുധങ്ങളെക്കുറിച്ചുള്ള ചരിത്രവും മാധ്യമത്തില് പ്രതിപാദിക്കുന്നുണ്ട്. യുഎസും റഷ്യയുമാണ് ആണവായുധ ശേഖരത്തില് മുന്നിലുള്ളത്.
ഇരുരാജ്യങ്ങളുടെയും പക്കല് 5,000 അണ്വായുധങ്ങളുണ്ട്. ഫ്രാന്സ് 300, ചൈന 250, യുകെ 225, ഇസ്രായേല് 80 എന്നിങ്ങനെയാണ് മറ്റു രാജ്യങ്ങളിലെ കണക്കുകള്.
ലോകരാജ്യങ്ങളുടെ കൈവശം എത്രമാത്രം ആണവായുധങ്ങളുണ്ട് എന്ന കാര്യം ജനങ്ങള്ക്ക് ശരിയായി അറിയില്ല. എന്നാല് ഇത്തരം താരതമ്യ പഠനത്തിലൂടെ ആര്ക്കൊക്കെയാണ് ആണവായുധങ്ങള് ഉള്ളതെന്നും ഓരോ രാജ്യങ്ങളുടെയും പക്കല് എത്രമാത്രം ഉണ്ടെന്നുള്ള പ്രാഥമിക വിവരം ലഭിക്കുമെന്നും മാധ്യമത്തിന്റെ എക്സിക്യൂട്ടിവ് ഡയറക്ടര് റാച്ചല് ബ്രോണ്സണ് പറഞ്ഞു.
