ബാഗ്ദാദ്: സിറിയയിലെ തിരക്കേറിയ നഗരമായ അലപ്പോയില് ഗവണ്മെന്റ് ഹെലികോപ്ടറുകളില് നടത്തിയ ബാരല് ബോംബ് ആക്രമണത്തില് 10ഓളം പേര് കൊല്ലപ്പെട്ടു. നിരവധി പേര്ക്ക് പരിക്കേറ്റു.
അലപ്പോ നഗരത്തിലെ ഗാസോലൈന്ഡീസല് വ്യാപാരസ്ഥാപനത്തില് നടന്ന സ്ഫോടനത്തില് പരിസരത്തുള്ള നിരവധിപേര് കൊല്ലപ്പെട്ടതായി ദൃക്സാക്ഷികള് അറിയിച്ചു. എന്നാല് 18ഓളം പേര് സംഭവത്തില് മരണമടഞ്ഞതായി ബ്രിട്ടണ് കേന്ദ്രമായി പ്രവര്ത്തിക്കുന്ന സിറിയന് മനുഷ്യാവകാശ സംഘടന അറിയിച്ചു.
അതേസമയം മരണസംഖ്യ ഇനിയും ഉയരാന് സാധ്യതയുണ്ട്. പരിക്കേറ്റ് ആശുപത്രിയില് കഴിയുന്നവരില് പലരുടെയും നില ഗുരുതരമാണെന്ന് ആശുപത്രി വൃത്തങ്ങള് അറിയിച്ചു.
നസ്രാ ഫ്രണ്ട് അടക്കമുള്ള ചില മുസ്ലിം സംഘടനകള് അലപ്പോയിലെ ഗവണ്മെന്റ് ഇന്റലിജന്സ് കെട്ടിടം തകര്ത്തതിനു പിന്നാലെയാണ് ഈ സ്ഫോടനം.
