ലിബിയ:21ക്രൈസ്തവരെ കറുത്തറുത്ത് കൊന്നതിനെതിരെ ഐഎസ് ഭീകരരുടെ കേന്ദ്രങ്ങളില് ബോംബ് വര്ഷിച്ചുകൊണ്ട് ഈജിപ്റ്റ്് ശക്തമായ തിരിച്ചടി തുടങ്ങി. ലിബിയന് സര്ക്കാരിന്റെ പിന്തുണയോടെയുള്ള ആക്രമണത്തില് 64 ഭീകരവാദികള് കൊല്ലപ്പെട്ടതായി അവകാശപ്പെട്ടു. ഇതാദ്യമായാണ് ഈജിപ്റ്റ്, ലിബിയയിലെ ഐഎസ് കേന്ദ്രങ്ങളില് വ്യോമാക്രമണം നടത്തുന്നത്.
ലിബിയയിലെ തീരദേശ നേഗരങ്ങളായ ദെര്ണ, സിര്ത്ത് എന്നിവിടങ്ങളിലെ പരിശീലനക്യാമ്പുകള്ക്കും സായുധകേന്ദ്രങ്ങള്ക്കും നേരെയാണ് ആക്രമണം നടന്നത്.
ലിബിയയിലെ പ്രമുഖ ഐഎസ് നേതാക്കളിലൊരാളായ ബഷീര് അല് ദര്സി ഉള്പ്പെടെ മൂന്ന് നേതാക്കള് കൊല്ലപ്പെട്ടിട്ടുണ്ടെന്നാണ് ഒരു പ്രാദേശിക പത്രം റിപ്പോര്ട്ട് ചെയ്യുന്നത്. മാത്രമല്ല ഭീകരര്ക്കെതിരെ ഈജിപ്റ്റ് സഹായവും അഭ്യര്ത്ഥിച്ചിട്ടുണ്ട്.
ജനങ്ങളുടെ സുരക്ഷയ്ക്കും സുസ്ഥിരതയ്ക്കും പ്രാധാന്യം നല്കിക്കൊണ്ട് രാജ്യത്തിനകത്തുള്ള ഭീകരവാദ ഗ്രൂപ്പുകള്ക്കെതിരെ ശക്തമായ നടപടി സ്വീകരിക്കുമെന്ന് ഡിഫന്സ് കൗണ്സില് പ്രസ്താവനയില് ചൂണ്ടിക്കാട്ടി. ലിബിയയിലേക്കുള്ള വിദേശസഞ്ചാരികള്ക്ക് താല്ക്കാലികമായി നിരോധനവും ഏര്പ്പെടുത്തിയിട്ടുണ്ട്. ഭീകരവാദികളുടെ കലാപത്തില്നിന്ന് രാജ്യത്തെ രക്ഷിക്കുവാന് പടിഞ്ഞാറന് രാജ്യങ്ങളുടെ ഇടപെടല് വേണമെന്ന് പ്രധാനമന്ത്രി അബ്ദുള്ള അല് തിനി പറഞ്ഞു. ഇറ്റലിയുള്പ്പെടെയുളള യൂറോപ്യന് രാജ്യങ്ങളിലേക്കും ഭീകരവാദികള് നുഴഞ്ഞുകയറിയേക്കുമെന്ന് അദ്ദേഹം ആശങ്ക പ്രകടിപ്പിച്ചു.
