കുന്നത്തൂര്: സേവാഭാരതി ശാസ്താംകോട്ട മണ്ഡലത്തിന്റെ ജീവകാരുണ്യപ്രവര്ത്തനങ്ങളുടെ തുടര്ച്ചയായി ശാസ്താംകോട്ട താലൂക്കാശുപത്രിയില് രോഗികള്ക്കുള്ള സൗജന്യഭക്ഷണ വിതരണം ആരംഭിച്ചു. ഡോ.സുകുമാരന്, ആര്എസ്എസ് താലൂക്ക് കാര്യവാഹക് ബി.രജനീഷില് നിന്നും ഭക്ഷണപൊതി ഏറ്റുവാങ്ങി രോഗികള്ക്ക് നല്കി ഉദ്ഘാടനം ചെയ്തു. തുടര്ന്ന് സ്വയം സേവകര് രോഗികള്ക്കും കൂട്ടിരുപ്പുകാര്ക്കും ആശുപത്രി ജീവനക്കാര്ക്കും ഭക്ഷണം വിതരണം ചെയ്തു.
ഭക്ഷണ വിതരണത്തിനായി നിരവധി സംഘടനകള് രംഗത്തുണ്ടെങ്കിലും അവരുടെ പ്രവര്ത്തനങ്ങള് കാര്യക്ഷമമല്ലാത്ത സാഹചര്യത്തിലാണ് സേവാഭാരതി ഇത്തരം ഉദ്യമവുമായി മുന്നിട്ടിറങ്ങിയതെന്നും താലൂക്കിലെ സ്വയംസേവകരുടെ ഭവനങ്ങളില് നിന്നും ശേഖരിക്കുന്ന ഭക്ഷണപ്പൊതികള് എല്ലാ ഞായറാഴ്ചകളിലും ആശുപത്രിയില് വിതരണം ചെയ്യുമെന്നും ബി.രജനീഷ് അറിയിച്ചു. ആര്എസ്എസ് ശാസ്താംകോട്ട മണ്ഡല് കാര്യവാഹക് ഭരണിക്കാവ് ലാല്, ബൗദ്ധിക് പ്രമുഖ് പ്രഭു, സേവാഭാരതി സംയോജക് ശ്യാംകൃഷ്ണന്, വിവിധ ശാഖകളില് സ്വയംസേവകര് തുടങ്ങിയവര് ഭക്ഷണവിതരണത്തില് പങ്കെടുത്തു.
